ಪುರಿ ದೇಗುಲ ಪ್ರವೇಶ ವಿವಾದ; ವಿಹಿಂಪ ಗರಂ

ಭುವನೇಶ್ವರ: ವಿಶ್ವವಿಖ್ಯಾತ ಪುರಿ ಜಗನ್ನಾಥ ದೇವಾಲಯ ಪ್ರವೇಶಕ್ಕೆ ಹಿಂದೂಯೇತರರಿಗೂ ಅವಕಾಶ ಮಾಡಿಕೊಡಬೇಕೆಂದು ಸುಪ್ರೀಂ ಕೋರ್ಟ್‌ ನೀಡಿರುವ‌ ಆದೇಶದ ಬಗ್ಗೆ ವಿಎಚ್‌ಪಿ ಅಸಮಾಧಾನ ವ್ಯಕ್ತಪಡಿಸಿದೆ. ಈ ಬಗ್ಗೆ ಪ್ರತಿಕ್ರಿಯಿಸಿರುವ ಒಡಿಶಾ ವಿಹಿಂಪ ಮುಖಂಡ ಕಾರ್ಯಾಧ್ಯಕ್ಷ ಬದರೀನಾಥ ಪಟ್ನಾಯಕ್‌, ಮರುಪರಿಶೀಲನೆಗೆ ಮೇಲ್ಮನವಿ ಸಲ್ಲಿಸುವುದಾಗಿ ಹೇಳಿದ್ದಾರೆ. ಸದ್ಯ ಈ ಮಂದಿರಕ್ಕೆ ಹಿಂದೂಗಳಿಗೆ ಮಾತ್ರ ಪ್ರವೇಶವಿದ್ದು, ಇದನ್ನು ಕಾಪಾಡಿಕೊಂಡು ಹೋಗಬೇಕೆನ್ನುವುದು ವಿಎಚ್‌ಪಿ ಒತ್ತಾಯವಾಗಿದೆ.