ಕ್ಯಾಟೆರಿನ್‌ ಚಿನ್ನದ ಜಮಾನ ಮುಗಿಯಿತಾ?

ಈ ಚಿತ್ರವನ್ನು ನೋಡಿ… ಕೂದಲು ಕೆದರಿಕೊಂಡು, ಮೈಯೆಲ್ಲ ಮಣ್ಣು ಮಾಡಿಕೊಂಡಿರುವ ಈಕೆಗೆ ದೆವ್ವ ಮೆಟ್ಟಿಕೊಂಡಿದೆಯಾ ಎಂದು ಹೌಹಾರಬೇಡಿ. ವಿಷಯ ಬೇರೆ ಇದೆ. 35 ವರ್ಷದ ಈಕೆಯ ಹೆಸರು ಕ್ಯಾಟೆರಿನ್‌ ಇಬರ್ಗ್ಯುಯೆನ್‌. ಕೊಲಂಬಿಯದ ಈ ಅಥ್ಲೀಟ್‌ ಟ್ರಿಪಲ್‌ ಜಂಪ್‌ನಲ್ಲಿ ವಿಶ್ವ ಕಂಡ ಶ್ರೇಷ್ಠ ಸಾಧಕಿಯರಲ್ಲೊಬ್ಬರು. ವಿಶ್ವಕಪ್‌ನ ಟ್ರಿಪಲ್‌ಜಂಪ್‌ನಲ್ಲಿ 2 ಬಾರಿ ಚಿನ್ನ ಗೆದ್ದಿದ್ದಾರೆ. ಸತತವಾಗಿ ಈ ಸ್ಪರ್ಧೆಯ ಮೇಲೆ ಹಿಡಿತ ಹೊಂದಿದ್ದ ಇವರು ಇತ್ತೀಚೆಗೆ ದೋಹಾದಲ್ಲಿ ಮುಗಿದ ಕೂಟದಲ್ಲಿ 3ನೆ ಸ್ಥಾನಕ್ಕೆ ತೃಪ್ತರಾಗಿದ್ದಾರೆ. ಆ ವೇಳೆ ಆಕೆ ಕಾಣಿಸಿಕೊಂಡಿದ್ದು ಹೀಗೆ. ಅಲ್ಲಿಗೆ ಈಕೆಯ ಚಿನ್ನದ ಜಮಾನ ಮುಗಿಯಿತಾ ಎಂಬ ಪ್ರಶ್ನೆಗಳು ಹುಟ್ಟಿಕೊಂಡಿವೆ.