ಟ್ರೈನುಗಳಲ್ಲಿ ಮತ್ತೆ ದಿಂಬು, ಬ್ಲಾಂಕೆಟ್‌ ಪೂರೈಕೆ ಆರಂಭ

ನವದೆಹಲಿ: ಭಾರತೀಯ ಟ್ರೈನುಗಳ ಎಸಿ ಕೋಚ್‌ಗಳಲ್ಲಿ  ದಿಂಬು, ಬ್ಲಾಂಕೆಟ್‌, ಬೆಡ್‌ಶೀಟ್‌, ಟವೆಲ್‌ಗ‌ಳನ್ನು ಮತ್ತೆ ನೀಡಲು ಆರಂಭಿಸಲಾಗಿದೆ.

2020ರಲ್ಲಿ ಕೊರೊನಾ ಕಾರಣದಿಂದ ಈ ಸೇವೆಯನ್ನು ನಿಲ್ಲಿಸಲಾಗಿತ್ತು. ಏ.6ರಿಂದ ಅದನ್ನು ಮತ್ತೆ ಶುರು ಮಾಡಲಾಗಿದೆ. ಈಗಾಗಲೇ 26 ಟ್ರೈನುಗಳಲ್ಲಿ ಶುರುವಾಗಿದೆ.

ಇನ್ನು ಕೆಲವೇ ದಿನಗಳಲ್ಲಿ ದೇಶಾದ್ಯಂತ ಎಲ್ಲೆಡೆ ಈ ಸೇವೆ ಶುರುವಾಗಲಿದೆ. ಇದರಿಂದಾಗಿ ಪ್ರಯಾಣಿಕರು ದಿಂಬು, ಬ್ಲಾಂಕೆಟ್‌ಗಳನ್ನು ಹೊತ್ತುಕೊಂಡು ಹೋಗುವುದರಿಂದ ಬಚಾವಾಗಲಿದ್ದಾರೆ.