ಇರಾನ್‌ನಿಂದ ತೈಲ ಹಡಗು ವಶಕ್ಕೆ? ಒಂದೇ ವಾರದಲ್ಲಿ ಎರಡನೇ ಪ್ರಕರಣ

ದುಬಾೖ: ರಿಪಬ್ಲಿಕ್‌ ಆಫ್ ಪನಾಮಾ ದೇಶದ ಧ್ವಜ ಹೊಂದಿರುವ ಕಚ್ಚಾ ತೈಲ ತುಂಬಿರುವ ಟ್ಯಾಂಕರ್‌ ಹಡಗನ್ನು ಹರ್ಮುಜ್‌ ಜಲಸಂಧಿಯಲ್ಲಿ ಇರಾನ್‌ನ ಪ್ಯಾರಾಮಿಲಿಟರಿ ರೆವಲ್ಯೂಶನರಿ ಗಾರ್ಡ್‌ ವಶ ಪಡಿಸಿಕೊಂಡಿದೆ ಎನ್ನಲಾಗಿದೆ.

ಪರಮಾಣು ಯೋಜನೆಯ ವಿರುದ್ಧ ವ್ಯಾಪಕ ಟೀಕೆ ವ್ಯಕ್ತವಾಗಿರುವ ನಡುವೆ ಒಂದೇ ವಾರದಲ್ಲಿ ಈ ರೀತಿ ಎರಡನೇ ಹಡಗನ್ನು ಇರಾನ್‌ ತನ್ನ ವಶಕ್ಕೆ ಪಡೆದಿದೆ. ಪ್ರತೀ ಐದರಲ್ಲಿ ಒಂದು ಕಚ್ಚಾ ತೈಲ ತುಂಬಿದ ಹಡಗು ಈ ಜಲಸಂಧಿ ಮೂಲಕ ಸಾಗುತ್ತದೆ. ವ್ಯೂಹಾತ್ಮಕವಾಗಿ ಅತೀ ಮುಖ್ಯವಾದ ಈ ಪ್ರದೇಶದ ಮೇಲೆ ಹಿಡಿತ ಸಾಧಿಸಲು ಇರಾನ್‌ ಪ್ರಯತ್ನಿಸುತ್ತಿದೆ ಎನ್ನಲಾಗಿದೆ.