ಐಪಿಎಲ್‌ ವೀಕ್ಷಿಸಿದ್ದ ಬಾಲಕ ಈಗ ಐಪಿಎಲ್‌ ಕ್ರಿಕೆಟಿಗ

ಮೊಹಾಲಿ: ಅಪ್ಪ-ಅಮ್ಮನ ಜತೆಗೆ ಮೊಹಾಲಿಯಲ್ಲಿ ಐಪಿಎಲ್‌ ಮೊದಲ ಆವೃತ್ತಿ ಪಂದ್ಯವೊಂದನ್ನು ವೀಕ್ಷಿಸಿದ್ದ ಹುಡುಗನೊಬ್ಬ ಇಂದು ಸ್ವತಃ ಐಪಿಎಲ್‌ ಆಟಗಾರನಾಗಿ 1.8 ಕೋಟಿ ರೂ.ಗೆ ಹರಾಜಾಗಿದ್ದಾರೆ. ಅವರು ಬೇರ್ಯಾರೂ ಅಲ್ಲ. ಭಾರತ ಕಿರಿಯರ ಕ್ರಿಕೆಟ್‌ ತಂಡದ ಆಟಗಾರ ಶುಭ್‌ಮನ್‌ ಗಿಲ್‌ (18 ವರ್ಷ). ಅವರನ್ನು ಕೆಕೆಆರ್‌ ತಂಡ ಖರೀದಿಸಿದೆ. 

2008ರಲ್ಲಿ ಶುಮ್‌ಮನ್‌ಗೆ 8 ವರ್ಷ. ಆಗ ಅವರು ತಮ್ಮ ತಂದೆ ಲಕ್ವಿಂದರ್‌ ಸಿಂಗ್‌ ಮತ್ತು ತಾಯಿ ಸೆರಾತ್‌ ಗಿಲ್‌ ಜತೆಗೂಡಿ ಮೊಹಾಲಿಯ ಪಿಸಿಎ ಕ್ರೀಡಾಂಗಣದ ಗ್ಯಾಲರಿಯಲ್ಲಿ ಕುಳಿತು ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ – ಮುಂಬೈ ಇಂಡಿಯನ್ಸ್‌ ನಡುವಿನ ಸೆಣಸಾಟವನ್ನು ವೀಕ್ಷಿಸಿದ್ದರು. ಇಂದು ಅದೇ ಆಟಗಾರ ತಂಡವೊಂದಕ್ಕೆ ಕೋಟಿ ರೂ.ಗೆ ಮಾರಾಟಗೊಂಡು ಅಚ್ಚರಿ ಮೂಡಿಸಿದ್ದಾನೆ.