Mavinakatte: ಬೊಲೆರೋ ಢಿಕ್ಕಿ: ಸ್ಕೂಟಿ ಸವಾರರು ಗಂಭೀರ

ಸಿದ್ದಾಪುರ: ಆಜ್ರಿ – ಕುಂದಾಪುರ ಮುಖ್ಯ ರಸ್ತೆಯ ಮಾವಿನಕಟ್ಟೆಯ ಬಳಿ ಡಿ. 30ರಂದು ಆಜ್ರಿಯ ಅಮೃತ (41) ಅವರು ಸರೋಜಾ ಅವರನ್ನು ಸ್ಕೂಟಿಯಲ್ಲಿ ಕುಳ್ಳಿರಿಸಿಕೊಂಡು ನಿಂತುಕೊಂಡಿರುವಾಗ ಹಿಂದಿನಿಂದ ಅತೀ ವೇಗವಾಗಿ ಬಂದ ಬೊಲೆರೋ ವಾಹನ ಡಿಕ್ಕಿ ಹೊಡೆದಿದೆ.

ರಸ್ತೆಗೆ ಬಿದ್ದು ಗಂಭೀರವಾಗಿ ಗಾಯಗೊಂಡ ಇಬ್ಬರನ್ನೂ 108 ವಾಹನದ ಮೂಲಕ ಕುಂದಾಪುರ ಸರಕಾರಿ ಆಸ್ಪತ್ರೆಗೆ ಕರೆದುಕೊಂಡು ಹೋಗಿದ್ದು, ಸರೋಜಾ ಒಳರೋಗಿಯಾಗಿ ದಾಖಲಾಗಿದ್ದಾರೆ. ಶಂಕರನಾರಾಯಣ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.