IPL Mega Auction: ನ.24 ಮತ್ತು 25 ಜೆಡ್ಡಾದಲ್ಲಿ ಐಪಿಎಲ್‌ ಹರಾಜು

ಹೊಸದಿಲ್ಲಿ: ಬಹು ನಿರೀಕ್ಷೆಯ ಐಪಿಎಲ್‌ ಮೆಗಾ ಹರಾಜು ನ. 24 ಮತ್ತು 25ರಂದು ಸೌದಿ ಅರೇಬಿಯಾದಲ್ಲಿ ನಡೆಯಲಿದೆ. ಆದರೆ ಎಲ್ಲರೂ ಎಣಿಸಿದಂತೆ ರಿಯಾದ್‌ನಲ್ಲಿ ಈ ಹರಾಜು ನಡೆಯದು, ಬದಲು ಜೆಡ್ಡಾದಲ್ಲಿ ಸಾಗಲಿದೆ. ಕೊನೆಯ ಕ್ಷಣದಲ್ಲಿ ಹರಾಜು ತಾಣವನ್ನು ಬದಲಾಯಿಸಲಾಗಿದೆ.

ಇದರೊಂದಿಗೆ ಸತತ 2ನೇ ಬಾರಿಗೆ ಐಪಿಎಲ್‌ ಹರಾಜು ವಿದೇಶದಲ್ಲಿ ನಡೆದಂತಾಗುತ್ತದೆ. ಒಟ್ಟು 1,574 ಕ್ರಿಕೆಟಿಗರು (ಭಾರತದ 1,165 ಮತ್ತು ವಿದೇಶದ 409 ಆಟಗಾರರು) ಮೆಗಾ ಆಕ್ಷನ್‌ಗೆ ಸಾಕ್ಷಿಯಾಗಲಿದ್ದಾರೆ. 320 ಕ್ಯಾಪ್ಡ್ ಪ್ಲೇಯರ್, 1,224 ಅನ್‌ಕ್ಯಾಪ್ಡ್ ಆಟಗಾರರು, ಅಸೋಸಿಯೇಟ್‌ ದೇಶಗಳ 30 ಕ್ರಿಕೆಟಿಗರು ಇದರಲ್ಲಿ ಸೇರಿದ್ದಾರೆ.

ಜೆಡ್ಡಾದ “ಅಬಾದಿ ಅಲ್‌ ಜೋಹರ್‌ ಅರೆನಾ’ದಲ್ಲಿ ಹರಾಜು ನಡೆಯಲಿದೆ. ಸಂಬಂಧಪಟ್ಟವರೆಲ್ಲ ಸಮೀಪದ ಹೊಟೇಲ್‌ ಶಾಂಗ್ರಿ-ಲಾದಲ್ಲಿ ಉಳಿದುಕೊಳ್ಳಲಿದ್ದಾರೆ.