IPL ವಿಚಿತ್ರ; ಎಲ್ಲ ಪಂದ್ಯ ಮುಗಿದ ಬಳಿಕ ನಾಯಕ ಪಾಂಡ್ಯಗೆ ಒಂದು ಪಂದ್ಯ ನಿಷೇಧ!

ಮುಂಬಯಿ: ಇದೊಂಥರ ವಿಚಿತ್ರ ಹಾಗೂ ತಮಾಷೆಯ ವಿದ್ಯಮಾನ ಮುಂಬೈ ಇಂಡಿಯನ್ಸ್‌ ತಂಡದ ಈ ಋತುವಿನ ಎಲ್ಲ ಪಂದ್ಯ ಮುಗಿದ ಬಳಿಕ ನಾಯಕ ಹಾರ್ದಿಕ್‌ ಪಾಂಡ್ಯ ಅವರಿಗೆ ಒಂದು ಪಂದ್ಯದ ನಿಷೇಧ ಹೇರಲಾಗಿದೆ. ಇದರಿಂದ ಅವರು ಮುಂದಿನ ವರ್ಷದ ಮೊದಲ ಐಪಿಎಲ್‌ ಪಂದ್ಯದಿಂದ ಹೊರಗುಳಿಯಲಿದ್ದಾರೆ!

ಲಕ್ನೋ ಎದುರಿನ ಶುಕ್ರವಾರ ರಾತ್ರಿಯ ಪಂದ್ಯದಲ್ಲಿ ಮುಂಬೈ ಓವರ್‌ ರೇಟ್‌ ಕಾಯ್ದುಕೊಳ್ಳು ವಲ್ಲಿ ವಿಫ‌ಲವಾಯಿತು. ಇದು ಪ್ರಸಕ್ತ ಋತುವಿನಲ್ಲಿ ಮುಂಬೈಯಿಂದ ದಾಖ ಲಾದ ನಿಧಾನ ಓವರ್‌ ಗತಿಯ 3ನೇ ನಿದರ್ಶನ. ಹೀಗಾಗಿ ಅವರಿಗೆ 30 ಲಕ್ಷ ರೂ. ದಂಡದ ಜತೆಗೆ, ಒಂದು ಪಂದ್ಯದ ನಿಷೇಧ ಹೇರಲಾಯಿತು. ಹಾಗೆಯೇ ಇಂಪ್ಯಾಕ್ಟ್ ಆಟಗಾರ ರೋಹಿತ್‌ ಶರ್ಮ ಸೇರಿದಂತೆ ತಂಡದ ಎಲ್ಲ ಸದಸ್ಯರಿಗೂ ಪಂದ್ಯದ ಸಂಭಾವನೆಯ ಶೇ. 50ರಷ್ಟು ಅಥವಾ 12 ಲಕ್ಷ ರೂ. ದಂಡ ವಿಧಿಸಲಾಯಿತು.