ಆರ್‌ಸಿಬಿ ಗೀತೆಯಲ್ಲಿ ಕನ್ನಡ ಪ್ರತ್ಯಕ್ಷವಾಯಿತು!

ಬೆಂಗಳೂರು: ಐಪಿಎಲ್‌ನ ಎಲ್ಲ ತಂಡಗಳೂ “ಥೀಮ್‌ ಸಾಂಗ್‌’ ಒಂದನ್ನು ಅಳವಡಿಸಿಕೊಂಡಿವೆ. ಆದರೆ ಕರ್ನಾಟಕದ ಫ್ರಾಂಚೈಸಿಯಾದ ಆರ್‌ಸಿಬಿಯ ಹಾಡಿನಲ್ಲಿ ಬರೀ ಇಂಗ್ಲಿಷ್‌, ಹಿಂದಿಯೇ ತುಂಬಿದೆ, ಕನ್ನಡದ ಸಾಲುಗಳಿಲ್ಲ ಎಂಬುದು ಅನೇಕರ ಅಸಮಾಧಾನಕ್ಕೆ ಕಾರಣವಾಗಿತ್ತು. ಸಾಮಾಜಿಕ ಜಾಲತಾಣದಲ್ಲಿ ಆರ್‌ಸಿಬಿಯನ್ನು ಟ್ರೋಲ್‌ ಮಾಡಲಾಗಿತ್ತು. ಕರ್ನಾಟಕದ ಮಾಜಿ ವೇಗಿ ದೊಡ್ಡ ಗಣೇಶ್‌ ಕೂಡ ಇದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದರು.

ಆದರೆ ಆರ್‌ಸಿಬಿ ಫ್ರಾಂಚೈಸಿ ಈ ತಪ್ಪನ್ನು ತಿದ್ದಿಕೊಂಡಿದೆ. “ಪ್ಲೇ ಬೋಲ್ಡ್‌’ ಶೀರ್ಷಿಕೆಯ ಈ ಹಾಡನ್ನು ಪರಿಷ್ಕೃತಗೊಳಿಸಿ ಇದರಲ್ಲಿ ಕೆಲವು ಕನ್ನಡ ಸಾಲುಗಳನ್ನು ಸೇರಿಸಿಕೊಂಡಿದೆ. ಕನ್ನಡ ರ್ಯಾಪ್‌ ಶೈಲಿಯ ಗಾಯಕದ ಚಿತ್ರೀಕರಣಕ್ಕೆ ಕರ್ನಾಟಕದ ಆರಂಭಕಾರ ದೇವದತ್ತ ಪಡಿಕ್ಕಲ್‌ ಅವರನ್ನು ಬಳಸಿಕೊಂಡಿದೆ.