ಬರ್ತ್‌ಡೇ ಬಾಯ್‌ ರಾಹುಲ್‌ಗೆ ಪ್ರೀತಿಯ ಹಾರೈಕೆ

ಮೊಹಾಲಿ: ಕಿಂಗ್ಸ್‌ ಇಲೆವೆನ್‌ ತಂಡದ ಆರಂಭಕಾರ, ಪ್ರಸಕ್ತ ಐಪಿಎಲ್‌ನಲ್ಲಿ ಕೇವಲ 14 ಎಸೆತಗಳಿಂದ ಅರ್ಧ ಶತಕ ಬಾರಿಸಿ ದಾಖಲೆ ನಿರ್ಮಿಸಿದ ಕೆ.ಎಲ್‌. ರಾಹುಲ್‌ ಬುಧವಾರ 26ನೇ ಹುಟ್ಟುಹಬ್ಬವನ್ನು ಪಂಜಾಬ್‌ ತಂಡದ ಸದಸ್ಯರ ಜತೆ ಆಚರಿಸಿದರು. ಈ ಸಂದರ್ಭದಲ್ಲಿ ತಂಡದ ಮಾಲಕಿ, ಬಾಲಿವುಡ್‌ ತಾರೆ ಪ್ರೀತಿ ಜಿಂಟಾ ಕರ್ನಾಟಕದ ಈ ಪ್ರತಿಭಾನ್ವಿತ ಆಟಗಾರನಿಗೆ ಶುಭ ಹಾರೈಸಿದರು.

“ಹ್ಯಾಪ್ಪಿ ಬರ್ತ್‌ಡೇ ಕೆ.ಎಲ್‌. ರಾಹುಲ್‌. ವಿಶ್‌ ಯೂ ಲೋಡ್ಸ್‌ ಆಫ್ ಲವ್‌, ಹ್ಯಾಪ್ಪಿನೆಸ್‌, ಸಕ್ಸೆಸ್‌ ಆಲ್ವೇಸ್‌…’ ಎಂದು ಪ್ರೀತಿ ಜಿಂಟಾ ಶುಭ ಹಾರೈಸಿದ್ದಾರೆ. ಕೇಕ್‌ ಕತ್ತರಿಸುವ ಸಂದರ್ಭದಲ್ಲಿ ಪ್ರೀತಿ ಜಿಂಟಾ ಕೂಡ ಉಪಸ್ಥಿತರಿದ್ದರು.