ಐಪಿಎಲ್‌ ಉದ್ಘಾಟನೆ: ರಣವೀರ್‌ ಬದಲು ಹೃತಿಕ್‌ಗೆ ವೇದಿಕೆ

ಮುಂಬಯಿ: ಬಹು ಆಕರ್ಷಣೀಯ ಕ್ರಿಕೆಟ್‌ ಹಬ್ಬ ಐಪಿಎಲ್‌ನ ಉದ್ಘಾಟನಾ ಸಮಾರಂಭ ತಾರಾ ಸಮಾಗಮದಿಂದ ಪ್ರತಿ ಸಾರಿಯೂ ರಂಗೇರುತ್ತದೆ. ಈ ಬಾರಿಯ ಐಪಿಎಲ್‌ ಉದ್ಘಾಟನೆ ವೇಳೆ ಸಾಂಸ್ಕೃತಿಕ ಕಾರ್ಯಕ್ರಮದಲ್ಲಿ ವೇದಿಕೆ ಹಂಚಿಕೊಳ್ಳುವ ಸ್ಟಾರ್‌ ನಟರಲ್ಲಿ ಸಣ್ಣ ಬದಲಾವಣೆಯಾಗಿದೆ. ಮುಂಬಯಿಯಲ್ಲಿ ಐಪಿಎಲ್‌ ಉದ್ಘಾಟನೆಯ ದಿನ ನಡೆಯುವ ಸಾಂಸ್ಕೃತಿಕ ಸಮಾರಂಭದಲ್ಲಿ ರಣವೀರ್‌ ಸಿಂಗ್‌ ಬದಲು ಹೃತಿಕ್‌ ರೋಶನ್‌ ಕಾಣಿಸಿಕೊಳ್ಳಲಿದ್ದಾರೆ ರಣವೀರ್‌ ಗಾಯಾಳಾಗಿರುವುದೇ ಇದಕ್ಕೆ ಕಾರಣ.

ಈ ಬಗ್ಗೆ ರಣವೀರ್‌ ಸಿಂಗ್‌ ಅವರ ವಕ್ತಾರ ಮಾಧ್ಯಮಕ್ಕೆ ಪ್ರತಿಕ್ರಿಯಿಸಿ, “ಫ‌ುಟ್‌ಬಾಲ್‌ ಪಂದ್ಯಾಟವೊಂದರ ವೇಳೆ ರಣವೀರ್‌ ಸಿಂಗ್‌ ಭುಜಕ್ಕೆ ಗಾಯ ಮಾಡಿಕೊಂಡಿದ್ದಾರೆ. ಹಾಗಾಗಿ ವೈದ್ಯರು ಅವರಿಗೆ ಒಂದು ತಿಂಗಳ ವರೆಗೆ ವಿಶ್ರಾಂತಿ ಸೂಚಿಸಿದ್ದಾರೆ’ ಎಂದಿದ್ದಾರೆ. ವರದಿಯೊಂದರ ಪ್ರಕಾರ ಜನಪ್ರಿಯ ಬಾಲಿವುಡ್‌ ನಟ ಹೃತಿಕ್‌ ರೋಶನ್‌ ಈ ಜಾಗವನ್ನು ತುಂಬಲಿದ್ದಾರೆ ಎಂದು ತಿಳಿದು ಬಂದಿದೆ.