Advertisement
ಎವಿನ್‌ ಲೆವಿಸ್‌ ಬ್ಯಾಟಿಂಗ್‌ ಮಾಡುವ ವೇಳೆ ಏನು ಬೇಕಾದರೂ ಸಂಭವಿಸ ಬಹುದು. ಅವರೊಬ್ಬ ಚೆಂಡನ್ನು ಶಕ್ತಿಶಾಲಿ ಯಾಗಿ ಹೊಡೆಯಬಲ್ಲ ಶ್ರೇಷ್ಠ ಆಟಗಾರ. ಎಂತಹ ಎಸೆತವನ್ನು ಕೂಡ ಅವರು ಬಲವಾಗಿ ಹೊಡೆಯಬಲ್ಲರು. ಅವರ ಈ ಆಟದಿಂದ ಪ್ರೇರಣೆಗೊಂಡ ನಾನು ಹೊಡೆಯಲು ಆರಂಭಿಸಿದೆ ಮಾತ್ರವಲ್ಲದೇ ಉತ್ತಮ ಬ್ಯಾಟಿಂಗ್‌ ಪ್ರದರ್ಶಿಸಲು ಸಾಧ್ಯವಾಯಿತು ಎಂದು ರೋಹಿತ್ ವಿವರಿಸಿದರು.
Related Articles
ಬ್ಯಾಟಿಂಗ್‌ ಕ್ರಮಾಂಕದ ಬಗ್ಗೆ ಕೇಳಿದ ಪ್ರಶ್ನೆಗೆ ಉತ್ತರಿಸಿದ ರೋಹಿತ್ ಮೂರನೇ ಕ್ರಮಾಂಕದಲ್ಲಿ ಬ್ಯಾಟಿಂಗ್‌ ಮುಂದುವರಿಸುವೆ ಈ ಮೂಲಕ ಹೊಸ ಆಟಗಾರರಿಗೆ ಕ್ರೀಸ್‌ನಲ್ಲಿ ನಿಲ್ಲಲು ಅವಕಾಶ ನೀಡುವೆ ಎಂದರು. ಬ್ಯಾಟಿಂಗ್‌ ಕ್ರಮಾಂಕದಲ್ಲಿ ಬದಲಾವಣೆ ಮಾಡುವ ಯಾವುದೇ ಆಲೋಚನೆಯಿಲ್ಲ. ಆಟಗಾರರಿಗೆ ಆರಾಮವಾಗಿ ಆಡುವ ಅವಕಾಶ ಕಲ್ಪಿಸುವುದು ಅತೀಮುಖ್ಯ. ಮುಂದಿನ ಪಂದ್ಯಗಳಲ್ಲಿ ಯಾವ ಕ್ರಮಾಂಕದಲ್ಲಿ ಆಡಬೇಕೆಂದು ಅವರಿಗೆ ತಿಳಿದಿದೆ. ಅದರಂತೆ ಯೋಜನೆ ರೂಪಿಸಿಕೊಂಡು ಆಡಲಿದ್ದೇವೆ. ಆಗಾಗ್ಗೆ ಬದಲಾವಣೆ ಮಾಡುತ್ತಿದ್ದರೆ ಯಾವುದೇ ಪ್ರಯೋಜನ ಸಿಗುವುದಿಲ್ಲ ಎಂದು ರೋಹಿತ್ ವಿವರಿಸಿದರು.
Advertisement
ರೋಹಿತ್ 50ನೇ ಟಿ20 ಅರ್ಧಶತಕಮುಂಬಯಿ: ಮುಂಬೈ ಇಂಡಿಯನ್ಸ್‌ ತಂಡದ ನಾಯಕ ರೋಹಿತ್ ಶರ್ಮ ಟಿ20 ಕ್ರಿಕೆಟ್‌ನಲ್ಲಿ 50ನೇ ಅರ್ಧಶತಕ ಬಾರಿಸಿದ್ದಾರೆ. ಇದು ಎರಡನೇ ಶ್ರೇಷ್ಠ ಸಾಧನೆ. ವಿರಾಟ್‌ ಕೊಹ್ಲಿ, ಗೌತಮ್‌ ಗಂಭೀರ್‌ ತಲಾ 53 ಅರ್ಧಶತಕ ಬಾರಿಸಿರುವುದು ಶ್ರೇಷ್ಠ ಸಾಧನೆಯಾಗಿದೆ. ಇದೇ ವೇಳೆ ಐಪಿಎಲ್‌ನಲ್ಲಿ ಎರಡನೇ ಗರಿಷ್ಠ ಸಿಕ್ಸರ್‌ ಬಾರಿಸಿದ ದಾಖಲೆಯನ್ನು ರೋಹಿತ್ ಶರ್ಮ ಸಾಧಿಸಿದರು. 175 ಸಿಕ್ಸರ್‌ ಬಾರಿಸಿರುವ ರೋಹಿತ್ ಶರ್ಮ, ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ಬ್ಯಾಟ್ಸ್‌ಮನ್‌ ಕ್ರಿಸ್‌ ಗೇಲ್‌ ಅನಂತರದ ಸ್ಥಾನ ಪಡೆದರು. ಗೇಲ್‌ ಒಟ್ಟು 269 ಸಿಕ್ಸರ್‌ ಬಾರಿಸಿದ್ದಾರೆ.