IOC; ಆ್ಯತ್ಲೀಟ್‌ ಆಯ್ಕೆಯಲ್ಲಿ ಅಲಿಸನ್‌ ಫೆಲಿಕ್ಸ್‌ ಗೆ ಜಯ

ಪ್ಯಾರಿಸ್‌: ಒಲಿಂಪಿಕ್ಸ್‌ನಲ್ಲಿ ಏಳು ಚಿನ್ನ ಗೆದ್ದಿರುವ ಅಮೆರಿಕದ ಸ್ಪ್ರಿಂಟ್‌ ಗ್ರೇಟ್‌ ಅಲಿಸನ್‌ ಫೆಲಿಕ್ಸ್‌ ಅವರು ಮುಂದಿನ ಎಂಟು ವರ್ಷ ಇಂಟರ್‌ನ್ಯಾಶನಲ್‌ ಒಲಿಂಪಿಕ್‌ ಸಮಿತಿ (ಐಒಸಿ) ಯ ಸಭೆಗಳಲ್ಲಿ ಆ್ಯತ್ಲೀಟ್‌ಗಳನ್ನು ಪ್ರತಿನಿಧಿಸಲಿದ್ದಾರೆ.

ಪ್ಯಾರಿಸ್‌ ಒಲಿಂಪಿಕ್ಸ್‌ ವೇಳೆ ಆ್ಯತ್ಲೀಟ್‌ಗಳು ಚಲಾಯಿಸಿದ 6,576 ಮತಗಳಲ್ಲಿ ಫೆಲಿಕ್ಸ್‌ ಗರಿಷ್ಠ 2,880 ಮತಗಳನ್ನು ಪಡೆದು ಆಯ್ಕೆಯಾದರು. ಈ ಮತದಾನದಲ್ಲಿ ನಾಲ್ವರು ಆಯ್ಕೆಯಾಗಿದ್ದಾರೆ ಎಂದು ಐಒಸಿ ತಿಳಿಸಿದೆ.

ಜರ್ಮನಿಯ ಜಿಮ್ನಾಸ್ಟ್‌ ಕಿಮ್‌ ಬುಯಿ, ಆಸ್ಟ್ರೇಲಿಯದ ಕನೋಯಿಸ್ಟ್‌ ಜೆಸ್ಸಿಕಾ ಫಾಕ್ಸ್‌ ಮತ್ತು ನ್ಯೂಜಿಲ್ಯಾಂಡಿನ ಟೆನಿಸ್‌ ತಾರೆ ಮಾರ್ಕಸ್‌ ಡ್ಯಾನಿಲ್‌ ಆ್ಯತ್ಲೆಟ್ಸ್‌ ವಿಭಾಗದಿಂದ ಆಯ್ಕೆಯಾದ ಇತರ ಮೂವರು ಆ್ಯತ್ಲೀಟ್‌ಗಳಾಗಿದ್ದಾರೆ.