ಸಣ್ಣ ಉಳಿತಾಯ ಬಡ್ಡಿದರ ಯಥಾಸ್ಥಿತಿ

ಹೊಸದಿಲ್ಲಿ: ರಾಷ್ಟ್ರೀಯ ಉಳಿತಾಯ ಪ್ರಮಾಣಪತ್ರ (ಎನ್‌ಎಸ್‌ಸಿ), ಪಿಪಿಎಫ್, ಸುಕನ್ಯಾ ಸಮೃದ್ಧಿ ಯೋಜನೆ ಸೇರಿದಂತೆ ವಿವಿಧ ಸಣ್ಣ ಉಳಿತಾಯ ಯೋಜನೆಗಳ ಮೇಲೆ ಹಾಲಿ ಇರುವ ಬಡ್ಡಿ ದರವನ್ನು ಮುಂದುವರಿಸಲಾಗಿದೆ.

ಪ್ರಸಕ್ತ ವಿತ್ತೀಯ ವರ್ಷದ ಅ. 1ರಿಂದ ಡಿ. 31ರ ವರೆಗಿನ 3ನೇ ತ್ತೈಮಾಸಿಕಕ್ಕೆ ಈ ಬಡ್ಡಿದರ ಇರಲಿವೆ ಎಂದು ಸರಕಾರ ಪ್ರಕಟಿಸಿದೆ.

ಮುಂದಿನ ವರ್ಷದ ಆರಂಭದಲ್ಲಿ ನಡೆಯಲಿರುವ ವಿವಿಧ ರಾಜ್ಯಗಳ ವಿಧಾನಸಭೆ ಚುನಾವಣೆ ಹಿನ್ನೆಲೆಯಲ್ಲಿ ಕೇಂದ್ರ ಸರಕಾರ ಬಡ್ಡಿದರದಲ್ಲಿ ಯಥಾಸ್ಥಿತಿ ಕಾಯ್ದುಕೊಂಡಿದೆ ಎಂಬ ವಿಶ್ಲೇಷಣೆ ನಡೆದಿದೆ.

ಬೆಳ್ಳಿ ಇಟಿಎಫ್ ಗೆ ಅನುಮತಿ:

ಷೇರು ಮಾರುಕಟ್ಟೆ ನಿಯಂತ್ರಕ ಸೆಕ್ಯುರಿಟೀಸ್‌ ಆ್ಯಂಡ್‌ ಎಕ್ಸ್‌ಚೇಂಜ್‌ ಬೋರ್ಡ್‌ ಆಫ್ ಇಂಡಿಯಾ (ಸೆಬಿ)ವು ಮ್ಯೂಚುವಲ್‌ ಫ‌ಂಡ್‌ಗಳಿಗೆ ಬೆಳ್ಳಿಯ ಎಕ್ಸ್‌ ಚೇಂಜ್‌ ಟ್ರೇಡೆಡ್‌ ಫ‌ಂಡ್‌ (ಇಟಿಎಫ್) ಪರಿಚಯಿಸಲು ಅನುಮತಿ ನೀಡಿದೆ. ಇದು ವರೆಗೆ ಚಿನ್ನದ ಇಟಿಎಎಫ್ ಮಾತ್ರ ಇತ್ತು.

ಚಿನ್ನದ ಬೆಲೆ ಇಳಿಕೆ:

ರಾಷ್ಟ್ರ ರಾಜಧಾನಿಯ ಚಿನಿವಾರಕಟ್ಟೆ ಯಲ್ಲಿ ಗುರುವಾರ 10 ಗ್ರಾಂ ಚಿನ್ನದ ಧಾರಣೆ 154 ರೂ. ಕಡಿಮೆಯಾಗಿದ್ದು, 44,976 ರೂ.ಗಳಾಗಿದ್ದವು. ಚಿನ್ನದ ಅಂತಾರಾಷ್ಟ್ರೀಯ ದರ ಕುಸಿತದಿಂದಾಗಿ ಈ ಬೆಳವಣಿಗೆ ಯಾಗಿದೆ. ಪ್ರತೀ ಕೆ.ಜಿ. ಬೆಳ್ಳಿಗೂ 1,337 ರೂ. ಇಳಿಕೆಯಾಗಿ 58,692 ರೂ. ಆಗಿದೆ.

ಎಷ್ಟು ಬಡ್ಡಿ?:

ಪಿಪಿಎಫ್ :

ಶೇ. 7.1

ಎನ್‌ಎಸ್‌ಸಿ:

ಶೇ. 6.8

ಅಂಚೆ ಮಾಸಿಕ ಆದಾಯ ಖಾತೆ :

ಶೇ. 6.6

ಹಿರಿಯ ನಾಗರಿಕರ ಉಳಿತಾಯ ಖಾತೆ :

ಶೇ. 7.4

1 ವರ್ಷದ ನಿರಖು ಠೇವಣಿ ಶೇ. 5.5

ಸುಕನ್ಯಾ ಸಮೃದ್ಧಿ  :

ಶೇ. 7.6

5 ವರ್ಷಗಳ ಆರ್‌ಡಿ ಶೇ. 5.8