ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿ ದರ ಶೇ. 0.1 ಇಳಿಕೆ

ಹೊಸದಿಲ್ಲಿ: ಪಿಪಿಎಫ್, ಕಿಸಾನ್‌ ವಿಕಾಸ  ಪತ್ರ, ಸುಕನ್ಯಾ ಸಮೃದ್ಧಿಯಂಥ ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿ ದರವನ್ನು ಶೇ. 0.1 ಇಳಿಕೆ ಮಾಡಿ ಕೇಂದ್ರ ಸರಕಾರ ಆದೇಶ ಹೊರಡಿಸಿದೆ.

ಎಪ್ರಿಲ್‌-ಜೂನ್‌ ಅವಧಿಗೆ ಹೋಲಿಸಿದರೆ ಜುಲೈ-ಸೆಪ್ಟಂಬರ್‌ ತ್ತೈಮಾಸಿಕ ಅವಧಿಯಲ್ಲಿ ಉಳಿತಾಯ ಯೋಜನೆಗಳ ಬಡ್ಡಿ ದರ ದಲ್ಲಿ ಇಳಿಕೆ ಆಗಲಿದೆ. ಬ್ಯಾಂಕ್‌ಗಳು ಕೂಡ ಠೇವಣಿ ದರದಲ್ಲಿ ಇಳಿಕೆ ಮಾಡುವ ಸಾಧ್ಯತೆಯಿದೆ. ಆದರೆ ಉಳಿತಾಯ ಠೇವಣಿಗಳ ಮೇಲಿನ ಬಡ್ಡಿ ದರ ಯಥಾಸ್ಥಿತಿ ಶೇ. 4 ಇರಲಿದೆ.

ಕಳೆದ ವರ್ಷದ ಎಪ್ರಿಲ್‌ನಿಂದ ಸರಕಾರ ಪ್ರತಿ ತ್ತೈಮಾಸಿಕಕ್ಕೂ ಸಣ್ಣ ಉಳಿತಾಯ ಯೋಜನೆಗಳ ಬಡ್ಡಿ ದರ ಪರಿಷ್ಕರಿಸುತ್ತಿದೆ. ಶುಕ್ರವಾರ ವಿತ್ತ ಸಚಿವಾಲಯ ಹೊರಡಿಸಿರುವ ಅಧಿಸೂಚನೆ ಪ್ರಕಾರ ಪಿಪಿಎಫ್(ಸಾರ್ವಜನಿಕ ಭವಿಷ್ಯ ನಿಧಿ) ಬಡ್ಡಿ ದರ ವರ್ಷಕ್ಕೆ ಶೇ. 7.8, ಕಿಸಾನ್‌ ವಿಕಾಸ ಪತ್ರದ ಬಡ್ಡಿದರ ಶೇ. 7.5 ಆಗಲಿದ್ದು, 115 ತಿಂಗಳಿಗೆ ಇದು ಮೆಚೂÂರ್‌ ಆಗಲಿದೆ. ಸುಕನ್ಯಾ ಸಮೃದ್ಧಿ ಯೋಜನೆಯ ಬಡ್ಡಿ ದರ ಶೇ. 8.3 (ಈಗಿರುವುದು ಶೇ. 8.4), 1ರಿಂದ 5 ವರ್ಷಗಳ ಅವಧಿ ಠೇವಣಿಗೆ ಶೇ. 6.8ರಿಂದ ಶೇ. 7.6 ಹಾಗೂ 5 ವರ್ಷಗಳ ರಿಕರಿಂಗ್‌ ಡೆಪಾಸಿಟ್‌ಗೆ ಶೇ. 7.1 ಬಡ್ಡಿ ಸಿಗಲಿದೆ.