Advertisement
ಇನ್ನೊಂದೆಡೆ ಮೊನ್ನೆಯಷ್ಟೇ ವಿಶ್ವ ಚಾಂಪಿಯನ್ ಆಸ್ಟ್ರೇಲಿಯ ವಿರುದ್ಧ ಸರಣಿ ಗೆದ್ದ ಕಿವೀಸ್, ಪ್ರವಾಸಿ ಹರಿಣಗಳಿಗೂ ಗತಿಕಾಣಿಸುವ ಯೋಜನೆ ಹಾಕಿಕೊಂಡಿದೆ. ಇತ್ತಂಡಗಳ ಮೊದಲ ಏಕದಿನ ಸಮರ ರವಿವಾರ ಹ್ಯಾಮಿಲ್ಟನ್ನಲ್ಲಿ ನಡೆಯಲಿದೆ.
ಅನುಭವಕ್ಕೆ ಹೋಲಿಸಿದರೆ ದಕ್ಷಿಣ ಆಫ್ರಿಕಾ ತಂಡವೇ ಹೆಚ್ಚು ಬಲಿಷ್ಠ. ಗಾಯಾಳು ಡೇವಿಡ್ ಮಿಲ್ಲರ್ ಅವರನ್ನು ಹೊರತುಪಡಿಸಿ ಆಫ್ರಿಕಾದ ಸಂಭಾವ್ಯ ಆಡುವ ಬಳಗವನ್ನು ಗಣನೆಗೆ ತೆಗೆದುಕೊಂಡರೆ ಅಲ್ಲಿ 72 ಶತಕಗಳು ಕಂಡುಬರುತ್ತವೆ. ನ್ಯೂಜಿಲ್ಯಾಂಡ್ ಕಡೆಯಿಂದ ದಾಖಲಾಗಿರುವುದು 28 ಶತಕ ಮಾತ್ರ. ಇದರಲ್ಲಿ 16 ಸೆಂಚುರಿಗಳನ್ನು ರಾಸ್ ಟಯ್ಲರ್ ಒಬ್ಬರೇ ಹೊಡೆದಿದ್ದಾರೆ!
ಇನ್ ಫಾರ್ಮ್ ರಾಸ್ ಟಯ್ಲರ್ 6 ಸಾವಿರ ರನ್ ಸಾಧನೆಗೆ ಹತ್ತಿರವಾಗಿದ್ದು, ಇದಕ್ಕೆ ಕೇವಲ 51 ರನ್ ಮಾಡಿದರೆ ಸಾಕು. ಅವರು ಈ ಸಾಧನೆಗೈದ ನ್ಯೂಜಿಲ್ಯಾಂಡಿನ 4ನೇ ಕ್ರಿಕೆಟಿಗನಾಗಲಿದ್ದಾರೆ. ಬ್ರೆಂಡನ್ ಮೆಕಲಮ್, ನಥನ್ ಆ್ಯಸ್ಲೆ, ಸ್ಟೀಫನ್ ಫ್ಲೆಮಿಂಗ್ ಉಳಿದ ಮೂವರು.ಮುಂಬರುವ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಪಂದ್ಯಾವಳಿಯ ಹಿನ್ನೆಲೆಯಲ್ಲಿ ಇತ್ತಂಡಗಳಿಗೂ ಇದು ಮಹತ್ವದ ಸರಣಿ. ಚಾಂಪಿಯನ್ಸ್ ಟ್ರೋಫಿಗೂ ಮುನ್ನ ಎರಡೂ ತಂಡಗಳು ಆಡಲಿರುವ ಕೊನೆಯ ಏಕದಿನ ಸರಣಿ ಇದಾಗಿದೆ.