Inteligence: ಉತ್ತರ ಕೊರಿಯಾದಿಂದ ರಷ್ಯಾಕ್ಕೆ 12,000 ಸೈನಿಕರು: ದಕ್ಷಿಣ ಕೊರಿಯಾ ಹೇಳಿಕೆ

ಸಿಯೋಲ್‌: ಉಕ್ರೇನ್‌ ವಿರುದ್ಧದ ರಷ್ಯಾ ದಾಳಿಗೆ ಬೆಂಬಲವಾಗಿ ಉತ್ತರ ಕೊರಿಯಾ ತನ್ನ ಪಡೆಗಳನ್ನು ಕಳುಹಿಸಿದೆ ಎಂಬ ಆತಂಕಕಾರಿ ವಿಚಾರವನ್ನು ದಕ್ಷಿಣ ಕೊರಿಯಾದ ಗುಪ್ತಚರ ಸಂಸ್ಥೆಗಳು ಬಹಿರಂಗಪಡಿಸಿವೆ.

ಒಟ್ಟು 12,000 ಯೋಧರನ್ನು ರಷ್ಯಾಕ್ಕೆ ಕಳುಹಿಸಲು ಉತ್ತರ ಕೊರಿಯಾ ಮುಂದಾಗಿದೆ ಎನ್ನಲಾಗುತ್ತಿದೆ. ದಕ್ಷಿಣ ಕೊರಿಯಾ ಗುಪ್ತಚರ ಸಂಸ್ಥೆಯ ಮಾಹಿ ತಿಗಳ ಪ್ರಕಾರ, ಅ.8 ರಿಂದ ಅ.13ರ ವರೆಗೆ ಉತ್ತರ ಕೊರಿಯಾದ 1,500 ವಿಶೇಷ ಕಾರ್ಯಾಚರಣೆಯ ಪಡೆಯ ಯೋಧರನ್ನು ರಷ್ಯಾದ ವ್ಲಾಡಿವೋಸ್ಟಾಕ್‌ ನಗರಕ್ಕೆ ಕರೆ ತರಲಾಗಿದೆ.

ಉತ್ತರ ಕೊರಿಯಾದ ಸಿಬಂದಿಗೆ ರಷ್ಯಾ ಪಡೆಗಳ ಸಿಬಂದಿ ಎಂಬಂತೆ ನಕಲಿ ದಾಖಲೆ ಸೃಷ್ಟಿಸಿ, ಅಲ್ಲಿನ ಸಮವಸ್ತ್ರ, ಶಸ್ತಾಸ್ತ್ರ ನೀಡಿ ಯುದ್ಧಕ್ಕೆ ಇಳಿಸಲಾಗುತ್ತಿದೆ. ಇದು ಆತಂಕಕ್ಕೆ ಕಾರಣವಾಗಿದೆ ಎಂದು ದಕ್ಷಿಣ ಕೊರಿಯಾ ಹೇಳಿದೆ.