ತುಳು ಭಾಷೆಗೆ ಅವಮಾನ: ಪ್ರತಿಭಟನೆ

ಮಹಾನಗರ: ಕರ್ನಾಟಕ ರಕ್ಷಣಾ ವೇದಿಕೆ ನಾರಾಯಣ ಗೌಡ ಬಣದ ಪದಾಧಿಕಾರಿ ಎನ್ನಲಾದ ಜಾನ್‌ ಫೇಸ್‌ಬುಕ್‌ ಪೇಜ್‌ನಲ್ಲಿ ತುಳು ಭಾಷೆಯ ಕುರಿತು ಅವಹೇಳನಕಾರಿಯಾಗಿ ಬರೆದಿದ್ದಾರೆ ಎಂದು ಆರೋಪಿಸಿ ತುಳು ಭಾಷಾಭಿಮಾನಿಗಳು ಕಾವೂರು ಜಂಕ್ಷನ್‌ನಲ್ಲಿ ಪ್ರತಿಭಟನೆ ನಡೆಸಿದರು.

ಬಳಿಕ ಅವಹೇಳನಕಾರಿಯಾಗಿ ಬರೆದಿರುವ ವ್ಯಕ್ತಿಯ ವಿರುದ್ಧ ಕಾವೂರು ಪೊಲೀಸ್‌ ಠಾಣೆಗೆ ದೂರು ನೀಡಿದರು. ಅಖಿಲ ಭಾರತ ತುಳು ಒಕ್ಕೂಟದ ಖಜಾಂಚಿ ಮೂಲ್ಕಿ ಕರುಣಾಕರ ಶೆಟ್ಟಿ, ತುಕಾರಾಮ ಶೆಟ್ಟಿ, ಗಣೇಶ್‌ ಮಲ್ಲಿ, ದಯಾನಂದ ಶೆಟ್ಟಿ ಕಾವೂರು, ರಾಜು ಕುಲಾಲ್‌, ಮಂಜು ಪ್ರಸಾದ್‌, ಚಂದ್ರ ರಾಜ್‌ ಶೆಟ್ಟಿ, ಪ್ರಕಾಶ್‌ ಪೈ ಜೆಪ್ಪುಳಿಗುತ್ತು, ಯತೀಶ್‌ ಕೆಂಜಾರು ಉಪಸ್ಥಿತರಿದ್ದರು.