ನಿಮ್ಮ ಆಡಳಿತ‌ದಿಂದ ದೇಶದ ವರ್ಚಸ್ಸು ಬದಲು

ಹೊಸದಿಲ್ಲಿ: ಪ್ರಧಾನಿಯಾಗಿ ನೀವು ಅಧಿಕಾರ ಸ್ವೀಕರಿಸಿದ ಬಳಿಕ ದೇಶದ ವರ್ಚಸ್ಸು ಬದಲಾಗಿದೆ ಎಂದು ಖ್ಯಾತ ಗಾಯಕಿ ಲತಾ ಮಂಗೇಶ್ಕರ್‌ ಪ್ರಧಾನಿ ಮೋದಿಯವರಿಗೆ ಅಭಿನಂದನೆ ಸಲ್ಲಿಸಿದ್ದಾರೆ. 90ನೇ ಹುಟ್ಟಿದ ಹಬ್ಬದ ಹಿನ್ನೆಲೆಯಲ್ಲಿ ಶುಭ ಹಾರೈಸಲು ಪ್ರಧಾನಿ ನರೇಂದ್ರ ಮೋದಿ ಯವರು ಫೋನ್‌ ಮಾಡಿದ ಸಂದರ್ಭ ದಲ್ಲಿ ಅವರು ಈ ಮಾತುಗಳನ್ನಾಡಿದ್ದಾರೆ. ಇದರ ಜತೆಗೆ “ಮನ್‌ ಕಿ ಬಾತ್‌’ನಲ್ಲಿ ತಮ್ಮ ಹೆಸರು ಉಲ್ಲೇಖೀಸಿದ್ದಕ್ಕೆ ಪ್ರತಿಕ್ರಿಯೆ ನೀಡಿದ ಅವರು, ಕೆಲಸ ದಿಂದಲೇ ದೊಡ್ಡ ವ್ಯಕ್ತಿಯಾದವ ರಿಂದ ಶುಭಾಶಯವನ್ನು ಸ್ವೀಕರಿಸುವುದು ಖುಷಿಯ ಸಂಗತಿ. ನಿಮ್ಮ ಆಗಮನದಿಂದ ಭಾರತದ ಚಿತ್ರಣ ಬದಲಾಗುತ್ತಿದೆ ಎಂದಿದ್ದಾರೆ.

ಪೇಟಿಎಂ ಬೆಂಬಲ: ಮನ್‌ ಕಿ ಬಾತ್‌ನಲ್ಲಿ ಪ್ರಧಾನಿ ಮೋದಿ ಡೆಲಿವರಿ ಇನ್‌ ಮತ್ತು ಡೆಲಿವರಿ ಔಟ್‌ ಪ್ರಸ್ತಾವಿಸಿದ್ದಕ್ಕೆ ಪೇಟಿಎಂ ಮಾಲ್‌ ಸ್ಪಂದಿಸಿದೆ. ಹಬ್ಬದ ಸಂದರ್ಭದಲ್ಲಿ ಜನರಿಂದ ಹೆಚ್ಚುವರಿ ಸಾಮಗ್ರಿಗಳನ್ನು ಸಂಗ್ರಹಿಸಿ ಅಗತ್ಯವಿರುವ ಜನರಿಗೆ ತಲುಪಿಸುವ ವ್ಯವಸ್ಥೆಯನ್ನು ಮಾಡುವುದಾಗಿ ಪೇಟಿಎಂ ಸಿಇಒ ವಿಜಯ್‌ ಶೇಖರ್‌ ಶರ್ಮಾ ಹೇಳಿದ್ದಾರೆ. ದೇಶಾದ್ಯಂತ ನೂರು ನಗರ ಮತ್ತು ಪಟ್ಟಣಗಳಲ್ಲಿ ಈ ಸೇವೆಯನ್ನು ಒದಗಿಸಲಾಗುತ್ತದೆ ಎಂದಿದ್ದಾರೆ.