ಮಂಗಳೂರು ಫಸ್ಟ್ ನ್ಯೂರೋ ಆಸ್ಪತ್ರೆಯಿಂದ ಕಾರ್ಕಳದ ಇಬ್ಬರಿಗೆ ಸೋಂಕು

ಮಂಗಳೂರು: ಇಲ್ಲಿನ ಫಸ್ಟ್ ನ್ಯೂರೋ ಖಾಸಗಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದ ಉಡುಪಿ ಜಿಲ್ಲೆ ಕಾರ್ಕಳ ತಾಲೂಕಿನ ಇಬ್ಬರಿಗೆ ಕೋವಿಡ್-19 ಸೋಂಕು ಕಾಣಿಸಿಕೊಂಡಿದೆ.

ಫಸ್ಟ್ ನ್ಯೂರೋ ಆಸ್ಪತ್ರೆ ಯ ಕಾರಣದಿಂದ ಸೋಂಕಿತರಾಗುತ್ತಿರುವವರ ಸಂಖ್ಯೆ ದಿನದಿಂದ ದಿನಕ್ಕೆ ಹೆಚ್ಚುತ್ತಿದೆ. ಮಂಗಳೂರಿನ ಶಕ್ತಿನಗರದ 80 ವರ್ಷದ ವೃದ್ಧೆ ( ಸೋಂಕಿತ ಸಂಖ್ಯೆ 507) ರ ಸಂಪರ್ಕದಿಂದ ಇಂದು ಇಬ್ಬರಿಗೆ ಸೋಂಕು ಹರಡಿದೆ.

ಉಡುಪಿ ಜಿಲ್ಲೆಯ ಕಾರ್ಕಳ ತಾಲೂಕಿನ ಸಾಣೂರಿನ ತಾಯಿ ಮತ್ತು ಮಗನಿಗೆ ಸೋಂಕು ತಾಗಿದೆ. 50 ವರ್ಷದ ಮಹಿಳಗೆ ( ತಾಯಿ) ಗೆ ಈ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗಿತ್ತು. ಫಸ್ಟ್ ನ್ಯೂರೋ ತನಿಖೆಯ ವೇಳೆ ಇವರಿಬ್ಬರ ಮಾಹಿತಿ ಪಡೆದು ಕ್ಯಾರಂಟೈನ್ ಮಾಡಲಾಗಿತ್ತು. ಸದ್ಯ ತಾಯಿ ಮತ್ತು ಅವರ ಮಗ ( 26 ವರ್ಷ) ಇಬ್ಬರಿಗೂ ಕೋವಿಡ್-19 ದೃಢವಾಗಿದೆ.

ಎ.20 ರಂದು ನ್ಯೂರಾಲಜಿ ಚಿಕಿತ್ಸೆಗಾಗಿ ಮಂಗಳೂರಿನಫಸ್ಟ್ ನ್ಯೂರೋ ಗೆ ದಾಖಲಾಗಿದ್ದರು. ಆ ಬಳಿಕ ಅವರು ಕಾರ್ಕಳ ಬಂದಿಲ್ಲ. ಇವರಿಬ್ಬರಿಗೂ ಮಂಗಳೂರಿನ ಕೋವಿಡ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ.

ರಾಜ್ಯದಲ್ಲಿ ಒಟ್ಟು 904 ಪ್ರಕರಣಗಳು ದೃಢವಾಗಿದೆ. ರಾಜ್ಯದಲ್ಲಿ ಇದುವರೆಗೆ ಸೋಂಕಿನ ಕಾರಣದಿಂದ 31 ಜನರು ಸಾವನ್ನಪ್ಪಿದ್ದು, 426 ಜನರು ಗುಣಮುಖರಾಗಿದ್ದಾರೆ.