ಇಂದ್ರಾ ನೂಯಿ ಐಸಿಸಿಯ ಸ್ವತಂತ್ರ ಮಹಿಳಾ ನಿರ್ದೇಶಕಿ

ದುಬಾೖ: ಪೆಪ್ಸಿಕೋ ಕಂಪೆನಿಯ ಚೇರ್ಮನ್‌ ಮತ್ತು ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಇಂದ್ರಾ ನೂಯಿ ಅವರನ್ನು ಅಂತಾರಾಷ್ಟ್ರೀಯ ಕ್ರಿಕೆಟ್‌ ಕೌನ್ಸಿಲ್‌ (ಐಸಿಸಿ)ನ ಮೊದಲ ಸ್ವತಂತ್ರ ಮಹಿಳಾ ನಿರ್ದೇಶಕರನ್ನಾಗಿ ನೇಮಕ ಮಾಡಲಾಗಿದೆ ಎಂದು ಐಸಿಸಿ ತನ್ನ ಪ್ರಕಟನೆಯಲ್ಲಿ ತಿಳಿಸಿದೆ. ಶುಕ್ರವಾರ ನಡೆದ ಸಭೆಯಲ್ಲಿ ನೂಯಿ ಅವರ ನೇಮಕ ದೃಢಪಟ್ಟಿದೆ. ನೂರಿ ಅವರು 2018ರ ಜೂನ್‌ನಲ್ಲಿ ಐಸಿಸಿ ನಿರ್ದೇಶಕರಾಗಿ ಸೇರ್ಪಡೆಯಾಗಲಿದ್ದಾರೆ.

ಜಾಗತಿಕ ಮಟ್ಟದಲ್ಲಿ ಕ್ರಿಕೆಟ್‌ ಆಟವನ್ನು ವಿಸ್ತರಿಸುವ ಉದ್ದೇಶದಿಂದ ಐಸಿಸಿ ಮಹಿಳಾ ನಿರ್ದೇಶಕರೊಬ್ಬರ ಆಯ್ಕೆಗೆ ಮುಂದಾಗಿದೆ. ವಿಶ್ವದ ಅತ್ಯಂತ ಪ್ರಭಾವಶಾಲಿ ಮಹಿಳೆಯರಲ್ಲಿ ನೂಯಿ ಒಬ್ಬರಾಗಿದ್ದಾರೆ.