ಇಂಡೋ-ಉಕ್ರೇನಿಯನ್ ಜೋಡಿ: ಅಲ್ಲಿ ಮದುವೆ, ಇಲ್ಲಿ ರಿಸೆಪ್ಷನ್‌!

ವಧು ಉಕ್ರೇನ್‌ನವಳು… ಹೆಸರು ಲಿಯುಬೊವ್‌. ವರ ಹೈದರಾಬಾದ್‌ನವನು, ಹೆಸರು ಪ್ರತೀಕ್‌. ಇವರಿಬ್ಬರ ಪ್ರೇಮ ವಿವಾಹ ಇತ್ತೀಚೆಗೆ ಉಕ್ರೇನ್‌ನಲ್ಲೇ ನಡೆಯಿತು, ಈಗ ಅವರು ಹೈದರಾಬಾದ್‌ನಲ್ಲಿ ತಮ್ಮ ವಿವಾಹ ಆರತಕ್ಷತೆ ಕಾರ್ಯಕ್ರಮ ಇಟ್ಟುಕೊಂಡರು. ಅರೆರೆ… ಹೇಗೆ ಸಾಧ್ಯ? ಯುದ್ಧದ ಸಂದರ್ಭದಲ್ಲಿ ಇವರು ಮದುವೆ ಆಗಿದ್ದಾದರೂ ಹೇಗೆ ಎಂದು ಅಚ್ಚರಿಪಡಬೇಕಿಲ್ಲ.

ಉಕ್ರೇನ್‌ ಮೇಲೆ ರಷ್ಯಾ ದಾಳಿ ಆರಂಭಕ್ಕೆ ಒಂದು ದಿನ ಮುಂಚೆ (ಫೆ. 23) ಇವರು ಮದುವೆ ಯಾಗಿದ್ದಾರೆ. ಅದೇ ದಿನ ರಾಜಧಾನಿ ಕೀವ್‌ನಿಂದ ಭಾರತಕ್ಕೆ ಪ್ರಯಾಣ ಬೆಳೆಸಿದ್ದಾರೆ.

ಈ ಪ್ರೇಮಿಗಳಿಬ್ಬರ ಸಮಯಪ್ರಜ್ಞೆಯಿಂದಾಗಿ ಇವರ ಮದುವೆ ಸುಸೂತ್ರವಾಗಿ ನಡೆದಿದೆ.