ಭಾರತ-ಪಾಕ್‌ ಯುದ್ಧವಾದ್ರೆ 12 ಕೋಟಿ ಬಲಿ?

ನವದೆಹಲಿ: ಒಂದು ವೇಳೆ ಭಾರತ ಮತ್ತು ಪಾಕಿಸ್ತಾನದ ಮಧ್ಯೆ ಅಣ್ವಸ್ತ್ರ ಯುದ್ಧವಾದರೆ 5 ರಿಂದ 12 ಕೋಟಿ ಜನರು ಸಾವನ್ನಪ್ಪುತ್ತಾರೆ. ಇದು 2ನೇ ವಿಶ್ವ ಯುದ್ಧದಲ್ಲಿ ಸಾವನ್ನಪ್ಪಿದವರ ಸಂಖ್ಯೆಗಿಂತ ಹೆಚ್ಚಿರಲಿದೆ ಎಂದು ಅಮೆರಿಕದ ಸಂಶೋಧನೆ ಸಂಸ್ಥೆಯೊಂದು ಅಂದಾಜು ಮಾಡಿದೆ. ಅಷ್ಟೇ ಅಲ್ಲ, ಈ ಯುದ್ಧದಿಂದ ಜಾಗತಿಕ ನೈಸರ್ಗಿಕ ವಿಪತ್ತು ಸಂಭವಿಸಲೂ ಬಹುದು ಎಂದು ಅದು ಹೇಳಿದೆ. ಕೊಲರಾಡೋ ಬೌಲ್ಡರ್‌ ಮತ್ತು ರಟYರ್ಸ್‌ ವಿವಿ ಸಂಶೋಧಕರು ಈ ಕುರಿತ ಅಧ್ಯಯನ ನಡೆಸಿದ್ದು, ಯುದ್ಧ ನಡೆದರೆ, ಅಣು ಬಾಂಬ್‌ ಸ್ಫೋಟದಿಂದ 16 ರಿಂದ 36 ದಶಲಕ್ಷ ಟನ್‌ ಧೂಮ ಸೃಷ್ಟಿಯಾಗಿ ಇಡೀ ವಿಶ್ವಕ್ಕೆ ಪಸರಿಸಲಿದೆ. ವಾತಾವರಣದಲ್ಲಿ ಸುಮಾರು 2 ರಿಂದ 5 ಡಿಗ್ರಿ ತಾಪಮಾನ ಏರಿಕೆಯಾಗಲಿದೆ. ಇಡೀ ವಿಶ್ವದ ಮಳೆ ಪ್ರಮಾಣ ಶೇ. 25 ರಿಂದ ಶೇ. 30 ರಷ್ಟು ಕಡಿಮೆಯಾಗಬಹುದು ಎಂದಿದೆ ವರದಿ.