ಐಪಿಎಲ್‌: ಚೀನದ ವಿವೋ ಕಂಪೆನಿಯೇ ಸ್ಪಾನ್ಸರ್‌!

ಹೊಸದಿಲ್ಲಿ: ಒಂದೆಡೆ ಭಾರತೀಯ ಒಲಿಂಪಿಕ್ಸ್‌ ಅಸೋಸಿಯೇಶನ್‌ ಚೀನದ ವಸ್ತು ಹಾಗೂ ಪ್ರಾಯೋಜಕತ್ವನ್ನು ದೂರ ಮಾಡುವ ನಿರ್ಧಾರಕ್ಕೆ ಬಂದರೆ, ಐಪಿಎಲ್‌ ಮಾತ್ರ ಚೀನ ಮೊಬೈಲ್‌ ಸಂಸ್ಥೆಯಾದ ವಿವೋ ಟೈಟಲ್‌ ಪ್ರಾಯೋಜಕತ್ವದಲ್ಲೇ ಮುಂದುವರಿಯುವ ಸಾಧ್ಯತೆ ಇದೆ. ಚೀನದ ಸ್ಪಾನ್ಸರ್‌ಶಿಪ್‌ನಿಂದ ಭಾರತದ ಆರ್ಥಿಕತೆಗೆ ನೆರವಾಗಲಿದೆ ಎಂದು ಬಿಸಿಸಿಐ ಖಜಾಂಚಿ ಅರುಣ್‌ ಧುಮಾಲ್‌ ಹೇಳಿಕೆಯೊಂದನ್ನು ನೀಡಿದ್ದಾರೆ.

ಮೊನ್ನೆಯ ದಾಳಿ ಬಳಿಕ ಭಾರತದಾದ್ಯಂತ ಚೀನ ವಸ್ತುಗಳನ್ನು ಬಹಿಷ್ಕರಿಸುವ ಪ್ರಕ್ರಿಯೆ ಆರಂಭಗೊಂಡಿರುವಾಗ ಧುಮಾಲ್‌ ಅವರ ಈ ಹೇಳಿಕೆ ವಿವಾದನ್ನು ಸೃಷ್ಟಿಸುವ ಸಾಧ್ಯತೆ ಇದೆ.

ಐಪಿಎಲ್‌-ವಿವೋ ನಡುವೆ 5 ವರ್ಷಗಳ ಒಪ್ಪಂದವಾಗಿದ್ದು, ಇದು 2022ರ ತನಕ ಜಾರಿಯಲ್ಲಿರುತ್ತದೆ. ಇದರಿಂದ ಬಿಸಿಸಿಗೆ ವಾರ್ಷಿಕ 440 ಕೋಟಿ ರೂ. ಹರಿದು ಬರುತ್ತಿದೆ.