Sudarshan S-400 ಕ್ಷಿಪಣಿ ನಿರೋಧಕ ವ್ಯವಸ್ಥೆ ಪರೀಕ್ಷೆ ಶೇ.80 ಯಶಸ್ವಿ

ಹೊಸದಿಲ್ಲಿ: ವೈಮಾನಿಕ ದಾಳಿ ನಿಗ್ರಹ ವ್ಯವಸ್ಥೆ ಸುದರ್ಶನ(ಎಸ್‌-400) ತನ್ನ ಪರೀಕ್ಷೆಯಲ್ಲಿ ಯಶಸ್ವಿಯಾಗಿದೆ. ಶೇ.80 ರಷ್ಟು ಶತ್ರು ವಿಮಾನಗಳನ್ನು ಹೊಡೆದು ರುಳಿಸುವಲ್ಲಿ ಯಶಸ್ವಿಯಾದ ವ್ಯವಸ್ಥೆ, ಉಳಿದ ವಿಮಾನಗಳನ್ನು ಹಿಮ್ಮೆಟ್ಟಿಸಿದೆ.

ವೈಮಾನಿಕ ದಾಳಿ ತಡೆಯಲು ಭಾರತದ ಶಕ್ತಿಯನ್ನು ತೋರ್ಪಡಿಸಲು ವಾಯುಪಡೆ ಈ ಪರೀಕ್ಷೆ ಕೈಗೊಂಡಿತ್ತು. ಸುದರ್ಶನ-400ರ ಸಾಮರ್ಥ್ಯ ಪರೀಕ್ಷಿಸಲು ನಿಜವಾದ ವಿಮಾನಗಳನ್ನು ಹಾರಿಸಲಾಗಿತ್ತು. ಇದರಲ್ಲಿ ಶೇ.80ರಷ್ಟು ವಿಮಾನಗಳನ್ನು ಲಾಕ್‌ ಮಾಡುವಲ್ಲಿ ಸುದರ್ಶನ ಸಫ‌ಲವಾಗಿದೆ.

ಈ ರಕ್ಷಣ ವ್ಯವಸ್ಥೆಯನ್ನು ಬಳಕೆ ಮಾಡಿಕೊಳ್ಳಲು ಭಾರತ ಇದೀಗ ಸಂಪೂರ್ಣ ಸಜ್ಜಾಗಿದ್ದು, 2026ರೊಳಗೆ ಮತ್ತೆರಡು ಪ್ರದೇಶಗಳಲ್ಲಿ ಇವನ್ನು ಅಳವಡಿಸಲಾಗುತ್ತದೆ. ಇದಕ್ಕಾಗಿ ಆದಷ್ಟು ಬೇಗ ಎಸ್‌-400 ವ್ಯವಸ್ಥೆ ಒದಗಿಸುವಂತೆ ರಷ್ಯಾದೊಂದಿಗೆ ನಡೆದ ಸಭೆಯಲ್ಲಿ ಭಾರತ ಮನವಿ ಮಾಡಿದೆ.

ಎಸ್‌-400ರ 5 ವ್ಯವಸ್ಥೆಗಳಿಗಾಗಿ ಭಾರತ ಮತ್ತು ರಷ್ಯಾ 35 ಸಾವಿರ ಕೋಟಿ ರೂ. ಮೊತ್ತದ ಒಪ್ಪಂದ ಮಾಡಿಕೊಂಡಿವೆ. ಭಾರತ ಇತ್ತೀಚೆಗಷ್ಟೇ ಸ್ವದೇಶಿ ನಿರ್ಮಿತ ಮಿ.ಸ್ಯಾಮ್‌ ಮತ್ತು ಆಕಾಶ್‌ ಕ್ಷಿಪಣಿಗಳನ್ನು ಪಡೆದುಕೊಂಡಿತ್ತು.