ಭಾರತದ ವಿದೇಶಿ ವಿನಿಮಯ ಮೀಸಲು ಕುಸಿತ: ಆರ್‌ಬಿಐ

ನವದೆಹಲಿ : ಮೂರು ವಾರಗಳಿಂದ ಏರುಗತಿಯಲ್ಲಿದ್ದ ದೇಶದ ವಿದೇಶಿ ವಿನಿಮಯ ಮೀಸಲು, ಫೆ.3ರ ವೇಳೆಗೆ 1.494 ಶತಕೋಟಿ ಡಾಲರ್‌ನಷ್ಟು ಕುಸಿದಿದೆ. ಈ ಮೂಲಕ ವಿದೇಶಿ ವಿನಿಮಯ ಮೀಸಲು ದರ 575.267 ಶತಕೋಟಿಗೆ ಡಾಲರ್‌ಗೆ ತಲುಪಿದೆ ಎಂದು ಆರ್‌ಬಿಐ ತಿಳಿಸಿದೆ.

ವಿದೇಶಿ ವಿನಿಮಯ ಮೀಸಲು ಕುರಿತಾದ ವಾರದ ದತ್ತಾಂಶಗಳನ್ನು ಶುಕ್ರವಾರ ಬಿಡುಗಡೆಗೊಳಿಸಿದ ಸಂದರ್ಭದಲ್ಲಿ ಈ ಅಂಶ ವ್ಯಕ್ತವಾಗಿದೆ.

ಕಳೆದ ವಾರದಲ್ಲಿ 3.03 ಶತಕೋಟಿ ಡಾಲರ್‌ ಏರಿಕೆಯೊಂದಿಗೆ ಒಟ್ಟು ಮೀಸಲು 576.76 ಶತಕೋಟಿ ಡಾಲರ್‌ಗೆ ಏರಿಕೆಯಾಗಿತ್ತು. ಅದರ ಹಿಂದಿನ 2 ವಾರಗಳು ಕೂಡ ಏರಿಕೆ ದಾಖಲಿಸಿದ್ದು, ಈಗ ಇಳಿಕೆ ಕಂಡಿದೆ ಎನ್ನಲಾಗಿದೆ. ಇನ್ನು 2021ರ ಅಕ್ಟೋಬರ್‌ನಲ್ಲಿ 645 ಶತಕೋಟಿ ಡಾಲರ್‌ಗೆ ತಲುಪಿತ್ತು.