ಇನ್ನು ಮುಂದೆ ಎಸಿ 3 ಟೈರ್‌ ಕೋಚ್‌ನಲ್ಲೂ ಬೆಡ್‌ರೋಲ್‌: ರೈಲ್ವೆ ಇಲಾಖೆ ನಿರ್ಧಾರ

ನವದೆಹಲಿ: ಇನ್ನು ಮುಂದೆ ಎಸಿ 3 ಟೈಯರ್‌ ಇಕಾನಮಿ ಕೋಚ್‌ಗಳಲ್ಲಿ ಪ್ರಯಾಣಿಸುವ ಪ್ರಯಾಣಿಕರಿಗೆ ಬೆಡ್‌ ರೋಲ್‌ ನೀಡುವುದಕ್ಕೆ ರೈಲ್ವೆ ಇಲಾಖೆ ನಿರ್ಧರಿಸಿದೆ.

ಇದೇ ವಾರದಿಂದ ಇದು ಜಾರಿಗೆ ಬರಲಿದೆ. ಈ ಹಿಂದೆ ಎಸಿ ಫ‌ಸ್ಟ್‌ ಕ್ಲಾಸ್‌ ಮತ್ತು ಎಸಿ 2 ಟೈಯರ್‌ನಲ್ಲಿ ಮಾತ್ರ ಪ್ರಯಾಣಿಕರಿಗೆ ಮಾತ್ರ ಈ ಸೌಲಭ್ಯವಿತ್ತು.

ಬೆಡ್‌ ರೋಲ್‌ ಹೆಸರಿನಲ್ಲಿ ಒಂದು ಹೊದಿಕೆ, ಒಂದು ದಿಂಬು ಮತ್ತು 2 ಬೆಡ್‌ಶೀಟ್‌ಗಳನ್ನು ಕೊಡಲಾಗುತ್ತಿತ್ತು. ಇನ್ನು ಮುಂದೆ ಈ ಸೌಲಭ್ಯ ಎಸಿ 3 ಟೈಯರ್‌ ಎಕಾನಮಿ ಬೋಗಿಯ ಪ್ರಯಾಣಿಕರಿಗೂ ಅನ್ವಯವಾಗಲಿದೆ.

ಒಂದು ವೇಳೆ ಬೆಡ್‌ರೋಲ್‌ ಸಿಗದೇ ಹೋದಲ್ಲಿ 20 ರೂ. ಮರುಪಾವತಿಯನ್ನೂ ಪಡೆಯುವುದಕ್ಕೆ ಅವಕಾಶ ಪ್ರಯಾಣಿಕರಿಗಿದೆ.