ಭಾರತೀಯ ಮೂಲದ ನರ್ಸ್‌ಗೆ ಸಿಂಗಾಪುರ ಅಧ್ಯಕ್ಷರ ಪ್ರಶಸ್ತಿ

ಸಿಂಗಾಪುರ: ನರ್ಸ್‌ಗಳಿಗೆ ನೀಡಲಾಗುವ ಸಿಂಗಾಪುರ ಅಧ್ಯಕ್ಷರ ಪ್ರಶಸ್ತಿಗೆ ಭಾರತ ಮೂಲದ ಕಲಾ ನಾರಾಯಣ ಸ್ವಾಮಿ (59) ಭಾಜನರಾಗಿದ್ದಾರೆ. ಸಿಂಗಾಪುರದ ವುಡ್‌ಲ್ಯಾಂಡ್ಸ್‌ ಹೆಲ್ತ್‌ ಕ್ಯಾಂಪಸ್‌ನಲ್ಲಿ ನರ್ಸಿಂಗ್‌ ಉಪನಿರ್ದೇಶಕಿಯಾಗಿರುವ ಕಲಾ ಅವರು, ಕೋವಿಡ್ ಸಾಂಕ್ರಾಮಿಕ ಸಮಯದಲ್ಲಿ ಮುಂಚೂಣಿ ಆರೋಗ್ಯ ಕಾರ್ಯಕರ್ತೆಯಾಗಿ ಸೇವೆ ಸಲ್ಲಿಸಿದ್ದಾರೆ. ಕೋವಿಡ್ ರೋಗಿಗಳ ಚಿಕಿತ್ಸೆಯಲ್ಲಿ ಅತ್ಯುತ್ತಮ ಸೋಂಕು ನಿಯಂತ್ರಣ ಅಭ್ಯಾಸಗಳನ್ನು ಅವರು ಅನುಷ್ಠಾನಗೊಳಿಸಿದ್ದು, ಇದಕ್ಕಾಗಿ ಯಿಶುನ್‌ ಸಮುದಾಯ ಆಸ್ಪತ್ರೆಯ ವಾರ್ಡ್ಗಳನ್ನು ಕೋವಿಡ್ ಸೋಂಕಿತರ ಚಿಕಿತ್ಸಾ ವಾರ್ಡ್‌ಗಳನ್ನಾಗಿ ಪರಿವರ್ತಿಸಿದ್ದಾರೆ.