Spelling Bee ಪ್ರಶಸ್ತಿ ಗೆದ್ದ ಭಾರತೀಯ ಮೂಲದ ಬಾಲಕ ಬೃಹತ್‌ ಸೋಮ

ವಾಷಿಂಗ್ಟನ್‌: ಅಮೆರಿಕದ ಸ್ಪೆಲ್ಲಿಂಗ್‌ ಬೀ ಸ್ಪರ್ಧೆಯಲ್ಲಿ ಭಾರತೀಯ ವಿದ್ಯಾರ್ಥಿಗಳ ಬಿಗಿಹಿಡಿತ ಮುಂದುವರಿ ದಿದೆ. ಈ ಬಾರಿ ಭಾರತೀಯ ಮೂಲದ 7ನೇ ತರಗತಿ ವಿದ್ಯಾರ್ಥಿ ಬೃಹತ್‌ ಸೋಮ (12) ಪ್ರಶಸ್ತಿ ಗೆದ್ದಿದ್ದಾರೆ. ಫ್ಲೋರಿಡಾದಲ್ಲಿ ನೆಲೆಸಿರುವ ಬೃಹತ್‌ ತಂದೆ ಶ್ರೀನಿವಾಸ್‌ ಮೂಲತಃ ತೆಲಂಗಾಣದವರು. ಈ ಬಾರಿ ಫೈನಲ್‌ಗೆ 8 ಮಂದಿ ಪ್ರವೇಶಿಸಿದ್ದರು. ಇದರಲ್ಲಿ ಐವರು ಭಾರತೀಯರು ಎನ್ನುವುದು ವಿಶೇಷ. ಬೃಹತ್‌ ಸೋಮ ಅಂತಿಮಸುತ್ತಿನಲ್ಲಿ ಫೈಜಾನ್‌ ಝಾಕಿಯೊಂದಿಗೆ ನಿಕಟ ಪೈಪೋಟಿ ನಡೆಸಿದರು. ಕೊನೆಯ 90 ಸೆಕೆಂಡ್‌ಗಳ ಸ್ಪೆಲ್‌ ಆಫ್ ಸುತ್ತಿನಲ್ಲಿ, 30 ಪದಗಳಲ್ಲಿ 29 ಪದಗಳನ್ನು ಸರಿಯಾಗಿ ಉಚ್ಚರಿಸಿದರು.