ತೈಲ ಶುದ್ದೀಕರಣ ಘಟಕ ಮೇಲ್ದರ್ಜೆಗೇರಿಸಲು ಐಒಸಿ 3 ಸಾವಿರ ಕೋಟಿ ಹೂಡಿಕೆ

ಕೋಲ್ಕತಾ: ಸರಕಾರಿ ಸ್ವಾಮ್ಯದ ಇಂಡಿಯನ್‌ ಆಯಿಲ್‌ ಕಾರ್ಪೊರೇಷನ್‌ (ಐಒಸಿ), ಪಶ್ಚಿಮ ಬಂಗಾಲದಲ್ಲಿರುವ ತನ್ನ ಹಾಲ್ಡಿಯಾ ತೈಲ ಶುದ್ಧೀಕರಣ ಘಟಕವನ್ನು ಮೇಲ್ದರ್ಜೆಗೇರಿಸಲು ಸುಮಾರು 3,000 ಕೋಟಿ ರೂ.ಗಳನ್ನು ಹೂಡಿಕೆ ಮಾಡಿದೆ. ಭಾರತದಲ್ಲಿ ಚಾಲ್ತಿಗೆ ಬಂದಿರುವ ಬಿಎಸ್‌-6 ಎಂಜಿನ್‌ಗಳಿಗೆ ಪೂರಕವಾಗಿ ಪರಿಶುದ್ಧ ಪೆಟ್ರೋಲ್‌ ಹಾಗೂ ಡೀಸೆಲ್‌ ನೀಡುವ ನಿಟ್ಟಿನಲ್ಲಿ ಈ ಘಟಕ ವನ್ನು ಮೇಲ್ದರ್ಜೆಗೇರಿಸಲಾಗಿದೆ.

ಇನ್ನು, ಖಾರಗ್‌ಪುರದಲ್ಲಿ ಹೊಸ ತೈಲ ಬಾಟ್ಲಿಂಗ್‌ ಘಟಕ ಸ್ಥಾಪಿಸಲು 388 ಕೋಟಿ ರೂ.ಗಳ ಬಂಡವಾಳ ಹೂಡಲಿದೆ ಎಂದು ಸಂಸ್ಥೆಯ ಹಿರಿಯ ಅಧಿಕಾರಿ ಪ್ರಿತೀಶ್‌ ಭಾರತ್‌ ಅವರು ತಿಳಿಸಿದ್ದಾರೆ.