ಭಾರತೀಯ ನೌಕಾಪಡೆ ವಿಮಾನ ರಷ್ಯಾದಲ್ಲಿ ತುರ್ತು ಲ್ಯಾಂಡಿಂಗ್‌ 

ಮಾಸ್ಕೋ: ಭಾರತದ ನೌಕಪಡೆಯ ಐಎಲ್‌ 38 ವಿಮಾನ ಮಾಸ್ಕೋದ ವಾಯುನೆಲೆಯ ಬಳಿ ತುರ್ತು ಲ್ಯಾಂಡ್‌ ಆದ ಘಟನೆ ಶನಿವಾರ ತಡರಾತ್ರಿ ನಡೆದಿದೆ. 

ಝುಕೋವ್‌ಸ್ಕಿ  ವಾಯುನೆಲೆಯಲ್ಲಿ ಅನಿರೀಕ್ಷಿತವಾಗಿ ವಿಮಾನ ಕ್ರ್ಯಾಷ್‌ ಲ್ಯಾಂಡ್‌ ಆಗಿರುವುದಾಗಿ ರಷ್ಯಾದ ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ. 

 ತಾಂತ್ರಿಕ ಸಮಸ್ಯೆ ಕಾಣಿಸಿಕೊಂಡರೂ ಯಾವುದೇ ಹಾನಿಯಿಲ್ಲದೆ ಸುರಕ್ಷಿತವಾಗಿ ವಿಮಾನ ಲ್ಯಾಂಡ್‌ ಆಗಿದೆ ಎಂದು ವರದಿಯಾಗಿದೆ. ವಿಮಾನ ಲ್ಯಾಂಡ್‌ ಆದ ತಕ್ಷಣ ತಾತ್ಕಾಲಿಕವಾಗಿ ಬೇರೆ ವಿಮಾನಗಳ ಹಾರಾಟಕ್ಕೆ ತಡೆ ಹಾಕಲಾಯಿತು. ತುರ್ತು ಸೇವೆಗಳನ್ನು ಹೈ ಅಲರ್ಟ್‌ನಲ್ಲಿಡಲಾಗಿತ್ತು.