ಏಕಾಂಗಿ ಪ್ರವಾಸ: ಭಾರತೀಯ ಕಾಣೆ

ನವದೆಹಲಿ: ಭಾರತದಿಂದ ಅಜರ್‌ಬೈಜಾನ್‌ಗೆ ಏಕಾಂಗಿ ಪ್ರವಾಸಕ್ಕೆ ತೆರಳಿದ್ದ ಮಣಿಕಾಂತ್‌ ಕೊಂಡವೇತಿ (28) ಕಳೆದ ಎರಡು ವಾರಗಳಿಂದ ಕಾಣೆಯಾಗಿರುವುದಾಗಿ ಕುಟುಂಬ ತಿಳಿಸಿದೆ.

ಮಣಿಕಾಂತ್‌ ಏ.26ರಂದು ಭಾರತದಿಂದ ಪ್ರಯಾಣ ಆರಂಭಿಸಿದ್ದರು. ಮೇ 12ರ ಸಂಜೆ 7 ಗಂಟೆಯವರೆಗೆ ಅವರು ಸಂಪರ್ಕದಲ್ಲಿದ್ದರು. ಆದರೆ ಅದಾದ ನಂತರ ಅವರ ಫೋನ್‌ ಸಂಪರ್ಕಕ್ಕೆ ಸಿಗುತ್ತಿಲ್ಲ. ಮೇ 13ರಂದು ಅವರ ಬ್ಯಾಗ್‌ ಹೋಟೆಲ್‌ನಲ್ಲಿ ಪತ್ತೆಯಾಗಿದೆ.

ಗೂಗಲ್‌ ಮಣಿಕಾಂತ್‌ರ ಕೊನೆಯ ಲೊಕೇಶನನ್ನು ನಗರದ ಹೊರವಲಯದಲ್ಲಿರುವ ಗುಡಿಸಲು ಎಂದು ತೋರಿಸುತ್ತಿದೆ ಎಂದು ಕುಟುಂಬಸ್ಥರು ತಿಳಿಸಿದ್ದಾರೆ.

ಈ ವಿಚಾರವಾಗಿ ಈಗಾಗಲೇ ಭಾರತೀಯ ರಾಯಭಾರ ಕಚೇರಿಯನ್ನು ಸಂಪರ್ಕಿಸಿರುವುದಾಗಿಯೂ ತಿಳಿಸಲಾಗಿದೆ