ಭಾರತೀಯ ರೈತನ ಸಾಧನೆ

ದುಬೈ: ಭಾರತೀಯ ಮೂಲದ ರೈತನೊಬ್ಬ ಸಂಯುಕ್ತ ಅರಬ್‌ ಸಂಸ್ಥಾನ (ಯುಎಇ)ದಲ್ಲಿ ಅತಿ ಹೆಚ್ಚು ಸಂಖ್ಯೆಯಲ್ಲಿ ಕರಿಬೇವಿನ ಸಸಿಗಳನ್ನು ವಿತರಿಸುವ ಮೂಲಕ ಗಿನ್ನೆಸ್‌ ದಾಖಲೆಗೆ ಸೇರಿದ್ದಾರೆ. ಕೇರಳ ಮೂಲದ ಸುಧೀಶ್‌ ಗುರುವಾಯುರ್‌ ಈ ಸಾಧನೆ ಮಾಡಿರುವ ವ್ಯಕ್ತಿ. ಮಂಗಳವಾರ ಅವರು ಸಾವಯವ ವಿಧಾನದಲ್ಲಿ ಬೆಳೆ‌ದ 4,914 ಕರಿಬೇವಿನ ಸಸಿಗಳನ್ನು ಅಲ್ಲಿಯ ಜನರಿಗೆ ಹಂಚಿದ್ದಾರೆ. ಈ ಮೂಲಕ 3 ರೀತಿಯ ಸಸ್ಯಗಳ 2,083 ಸಸಿಗಳನ್ನು ದಿಲ್ಲಿ ವಿದ್ಯಾರ್ಥಿಗಳಿಗೆ ಹಂಚಿ ದಾಖಲೆ ನಿರ್ಮಿಸಿದ್ದ ಗುರುನಾನಕ್‌ ದರ್ಬರ್‌ ರ ದಾಖಲೆಯನ್ನು ಮುರಿದಿದ್ದಾರೆ ಎಂದು ಗಲ್ಫ್ ನ್ಯೂಸ್‌ ವರದಿ ಮಾಡಿದೆ.