ಐಪಿಎಲ್‌ನಿಂದ ಭಾರತ ತಂಡದ ರಹಸ್ಯ ಬಯಲು?

ಹೊಸದಿಲ್ಲಿ: ಮುಂಬರುವ ಐಸಿಸಿ ಏಕದಿನ ವಿಶ್ವಕಪ್‌ಗ್ೂನ ಮುನ್ನ ಭಾರತೀಯ ಆಟಗಾರರ ರಹಸ್ಯಗಳು ಬಹಿರಂಗವಾಗುತ್ತಿವೆ ಎನ್ನುವ ಅನುಮಾನ ಸೃಷ್ಟಿಯಾಗಿದೆ.

ಏಕದಿನ ವಿಶ್ವಕಪ್‌ಗ್ೂ ಮುನ್ನ ಕ್ರಿಕೆಟ್‌ ಜಾತ್ರೆ ಎಂದೇ ಪರಿಗಣಿಸಲ್ಪಟ್ಟಿ ರುವ ಐಪಿಎಲ್‌ನಿಂದ ಭಾರತೀಯ ಆಟಗಾರರ ರಹಸ್ಯಗಳೆಲ್ಲವೂ ಬಯಲಾ ಗುತ್ತಿದೆ ಎಂಬ ಆಂತಕ ಎಲ್ಲರಲ್ಲೂ ಮೂಡ ತೊಡಗಿದೆ. ಸದ್ಯ ವಿಶ್ವಕಪ್‌ ತಂಡದಲ್ಲಿರುವ ಆಟಗಾರರು ಐಪಿಎಲ್‌ನಲ್ಲಿ ಬ್ಯುಸಿಯಾಗಿದ್ದಾರೆ. ಇದರೊಂದಿಗೆ ವಿದೇಶಿ ಆಟಗಾರರು ಕೂಡ ವಿವಿಧ ಫ್ರಾಂಚೈಸಿಗಳಲ್ಲಿದ್ದಾರೆ. ಇಷ್ಟೇ ಅಲ್ಲದೇ ಇತರ ತಂಡಗಳ ಕೋಚ್‌ಗಳು ಐಪಿಎಲ್‌ ಫ್ರಾಂಚೈಸಿಯಲ್ಲಿ ಕಾರ್ಯ ನಿರ್ವಹಿಸುತ್ತಿರುವುದು ಈ ಎಲ್ಲ ಸಂಶಯಗಳಿಗೆ ಎಡೆಮಾಡಿಕೊಟ್ಟಿದೆ.

ಆಸ್ಟ್ರೇಲಿಯ ತಂಡದ ಸಹಾಯಕ ಕೋಚ್‌ ಆಗಿರುವ ರಿಕಿ ಪಾಂಟಿಂಗ್‌ ಸದ್ಯ ಡೆಲ್ಲಿ ಕ್ಯಾಪಿಟಲ್ಸ್‌ ತಂಡದ ಕೋಚ್‌ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಈ ತಂಡದಲ್ಲಿ ವಿಶ್ವಕಪ್‌ನಲ್ಲಿ ಆಡಲಿರುವ ಶಿಖರ್‌ ಧವನ್‌ ಕೂಡ ಇದ್ದಾರೆ.

ಹೀಗಾಗಿ ಪಾಂಟಿಂಗ್‌ಗೆ ಧವನ್‌ ಅವರ ಗೇಮ್‌ ಪ್ಲ್ರಾನ್‌ ಏನು? ಆಟದ ವೇಳೆ ಅವರ ಮನಸ್ಥಿತಿ ಹೇಗಿರುತ್ತದೆ ಎಂಬ ವಿಷಯಗಳೆಲ್ಲವೂ ತಿಳಿಯುತ್ತದೆ.
ಇದು ವಿಶ್ವಕಪ್‌ ವೇಳೆ ಭಾರತದ ಹಿನ್ನಡೆ ಕಾರಣವಾಗಲಿದೆ ಎಂಬ ಮಾತು ಕೇಳಿ ಬರುತ್ತಿದೆ. ಪಾಂಟಿಂಗ್‌ ಮಾತ್ರವಲ್ಲದೇ ಶ್ರೀಲಂಕಾದ ರಾಷ್ಟ್ರೀಯ ತಂಡದಲ್ಲಿ ಕಾರ್ಯ ನಿರ್ವಹಿಸುತ್ತಿರುವ ಶ್ರೀರಾಮ್‌ ಸೋಮಯಾಜುಲ ಡೆಲ್ಲಿ ತಂಡದ ವಿಶ್ಲೇಷಕರಾಗಿ ಪಾಂಟಿಂಗ್‌ ಜತೆ ಕೆಲಸ ಮಾಡುತ್ತಿದ್ದಾರೆ.

ಇದು ಕೇವಲ ಡೆಲ್ಲಿ ತಂಡದ ಕತೆಯಲ್ಲ. ದಕ್ಷಿಣ ಆಫ್ರಿಕಾ ತಂಡದಲ್ಲಿ ರುವ ಚೆನ್ನೈ ಮೂಲದ ಪ್ರಸನ್ನ ಅಗೊರಮ್‌ ಕಿಂಗ್ಸ್‌ ಇಲೆವೆನ್‌ ಪಂಜಾಬ್‌ ತಂಡದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಹೀಗೆ ಅನೇಕ ತಂಡಗಳಲ್ಲಿ ವಿದೇಶಿಗರು ಇರುವುದರಿಂದ ಆಟಗಾರರ ರಹಸ್ಯಗಳು ಬಯಲಾಗುತ್ತವೆ ಎಂಬ ವಿಷಯ ಚರ್ಚೆಯಾಗುತ್ತಿದೆ.