ಏಷ್ಯನ್‌ ಚಾಂಪಿಯನ್‌ಶಿಪ್‌ ಕುಸ್ತಿ: ಮೂರು ಕಂಚಿನ ಪದಕ ಗೆದ್ದ ಭಾರತ

ಉಲಾನ್‌ಬಾತರ್‌ (ಮಂಗೋಲಿಯಾ): ಏಷ್ಯನ್‌ ಕುಸ್ತಿ ಚಾಂಪಿಯನ್‌ಶಿಪ್‌ನ ಮೊದಲ ದಿನ ಭಾರತ 3 ಕಂಚಿನ ಪದಕಗಳನ್ನು ಜಯಿಸಿದೆ. ಗ್ರೀಕೋ ರೋಮನ್‌ ವಿಭಾಗದಲ್ಲಿ ಕಣಕ್ಕಿಳಿದ ಐವರು ಸ್ಪರ್ಧಿಗಳಲ್ಲಿ ಮೂವರು ಪದಕಕ್ಕೆ ಕೊರಳೊಡ್ಡಿದರು.

ಮಂಗಳವಾರದ ಸ್ಪರ್ಧೆಯಲ್ಲಿ ಕಂಚಿನ ಪದಕದ ಸಾಧನೆಗೈದವರೆಂದರೆ ಸುನೀಲ್‌ ಕುಮಾರ್‌, ಅರ್ಜುನ್‌ ಹಾಲಕುರ್ಕಿ ಮತ್ತು ನೀರಜ್‌. ಇವರಲ್ಲಿ ಸುನೀಲ್‌ ಕುಮಾರ್‌ 87 ಕೆಜಿ ವಿಭಾಗದಲ್ಲಿ ಪದಕ ಗೆದ್ದರು.

ಇದನ್ನೂ ಓದಿ:ಅಗಲಿದ ಅಕ್ಕನಿಗೆ ಹರ್ಷಲ್‌ ಭಾವುಕ ಸಂದೇಶ

ಕಂಚಿನ ಸ್ಪರ್ಧೆಯಲ್ಲಿ ಅವರು ಆತಿಥೇಯ ನಾಡಿನ ಬ್ಯಾಟ್‌ಬಯಾರ್‌ ಲುಟ್‌ಬಯಾರ್‌ ವಿರುದ್ಧ ಆರಂಭದಲ್ಲೇ 5-0 ಮುನ್ನಡೆ ಸಾಧಿಸಿ ಗೆದ್ದು ಬಂದರು.

55 ಕೆಜಿ ವಿಭಾಗದಲ್ಲಿ ಅರ್ಜುನ್‌ 10-7 ಅಂತರದಿಂದ, 63 ಕೆಜಿ ವಿಭಾಗದಲ್ಲಿ ನೀರಜ್‌ 7-4 ಅಂತರದಿಂದ ಜಯ ಸಾಧಿಸಿದರು.