2ನೇ ಟೆಸ್ಟ್: ಲಂಕಾ ವಿರುದ್ಧ ಟೀಂ ಇಂಡಿಯಾಕ್ಕೆ ಭರ್ಜರಿ ಗೆಲುವು

ಮಹಾರಾಷ್ಟ್ರ:ನಾಗ್ಪುರ (ವಿಸಿಎ) ವಿದರ್ಭ ಕ್ರಿಕೆಟ್ ಅಸೋಸಿಯೇಶನ್ ಸ್ಟೇಡಿಯಂನಲ್ಲಿ ನಡೆದ ಭಾರತ ಮತ್ತು ಶ್ರೀಲಂಕಾ ನಡುವಿನ 2ನೇ ಟೆಸ್ಟ್ ಪಂದ್ಯಾಟದಲ್ಲಿ ಟೀಂ ಇಂಡಿಯಾ ಒಂದು ಇನ್ನಿಂಗ್ಸ್‌ ಹಾಗೂ 239 ರನ್ ಗಳ ಭರ್ಜರಿ ಅಂತರಿಂದ ಲಂಕಾ ತಂಡವನ್ನು ಸೋಲಿಸಿದೆ.

3 ಪಂದ್ಯಗಳ ಸರಣಿಯಲ್ಲಿ ಭಾರತಕ್ಕೆ 1-0 ಮುನ್ನಡೆ ಸಾಧಿಸಿದೆ. ಭಾರತ ಒಂದನೇ ಇನಿಂಗ್ಸ್ ನಲ್ಲಿ 6 ವಿಕೆಟಿಗೆ 610ಕ್ಕೆ ಡಿಕ್ಲೇರ್ ಮಾಡಿಕೊಂಡಿತ್ತು. ಲಂಕಾ ಮೊದಲ ಇನಿಂಗ್ಸ್ ಗೆ 205 ರನ್ ಗೆ ಆಲ್ ಔಟ್ ಆಗಿತ್ತು. 

ಶ್ರೀಲಂಕಾ ದ್ವಿತೀಯ ಇನಿಂಗ್ಸ್ ನಲ್ಲಿ 166 ರನ್ ಗೆ ಆಲ್ ಔಟ್ ಆಗಿದ್ದು, ಟೀಂ ಇಂಡಿಯಾ 239 ರನ್ ಗಳ ಭರ್ಜರಿ ಜಯ ಸಾಧಿಸಿದೆ.

2ನೇ ಟೆಸ್ಟ್ ಪಂದ್ಯದ 3ನೇ ದಿನದಾಟದ ಮೊದಲ ಇನಿಂಗ್ಸ್ ನಲ್ಲಿ ವಿರಾಟ್ ಕೊಹ್ಲಿ ಆಕರ್ಷಕ 213 ರನ್ ಗಳ ದ್ವಿಶತಕ ಬಾರಿಸಿದ್ದರು. ಚೇತೇಶ್ವರ ಪೂಜಾರ 143 ರನ್ ಸಿಡಿಸಿದ್ದರೆ, ಮುರಳಿ ವಿಜಯ್ ಸಿ 128 ಹೊಡೆಯುವ ಮೂಲಕ ಶತಕ ದಾಖಲಿಸಿದ್ದರು.