ಮತ್ತೆ ಬರ್ಮಿಂಗ್‌ಹ್ಯಾಮ್‌ ಮುಖಾಮುಖೀ

ಭಾರತ-ಇಂಗ್ಲೆಂಡ್‌ ತಂಡಗಳು ವಿಶ್ವಕಪ್‌ನಲ್ಲಿ ಬರ್ಮಿಂಗ್‌ಹ್ಯಾಮ್‌ನ ಎಜ್‌ಬಾಸ್ಟನ್‌ ಅಂಗಳದಲ್ಲಿ 2ನೇ ಸಲ ಮುಖಾಮುಖೀಯಾಗುತ್ತಿವೆ. ಇಲ್ಲಿನ ಗೆಲುವಿನ ದಾಖಲೆ ಭಾರತದ ಪರವಾಗಿರುವುದು ಖುಷಿಯ ಸಂಗತಿ.

1999ರ ಕೂಟದ ವೇಳೆ ಇಲ್ಲಿ ನಡೆದ ಪಂದ್ಯವನ್ನು ಮೊಹಮ್ಮದ್‌ ಅಜರುದ್ದೀನ್‌ ನೇತೃತ್ವದ ಭಾರತ 63 ರನ್ನುಗಳಿಂದ ಗೆದ್ದಿತ್ತು. ಭಾರತ 8 ವಿಕೆಟಿಗೆ 232 ರನ್ನುಗಳ ಸಾಮಾನ್ಯ ಮೊತ್ತವನ್ನಷ್ಟೇ ದಾಖಲಿಸಿತ್ತು. ಜವಾಬಿತ್ತ ಇಂಗ್ಲೆಂಡ್‌ 45.2 ಓವರ್‌ಗಳಲ್ಲಿ 169ಕ್ಕೆ ಕುಸಿದಿತ್ತು. ಮಳೆಯಿಂದಾಗಿ  ಇಂಗ್ಲೆಂಡ್‌ ಇನ್ನಿಂಗ್ಸ್‌ ಮೀಸಲು ದಿನಕ್ಕೆ ಮುಂದೂಡಲ್ಪಟ್ಟಿತ್ತು.

ಅಲೆಕ್‌ ಸ್ಟುವರ್ಟ್‌ ಬಳಗವನ್ನು ಉರುಳಿಸುವಲ್ಲಿ ಸೌರವ್‌ ಗಂಗೂಲಿ ಪ್ರಮುಖ ಪಾತ್ರ ವಹಿಸಿದ್ದು ಈ ಪಂದ್ಯದ ವಿಶೇಷ. ಗಂಗೂಲಿ ಸಾಧನೆ 27ಕ್ಕೆ 3 ವಿಕೆಟ್‌. ಶ್ರೀನಾಥ್‌, ಅನಿಲ್‌ ಕುಂಬ್ಳೆ ಮತ್ತು ದೇಬಶಿಷ್‌ ಮೊಹಂತಿ ತಲಾ 2 ವಿಕೆಟ್‌ ಕಿತ್ತರು. ಈ ಪಂದ್ಯದ ಏಕೈಕ ಅರ್ಧ ಶತಕ ರಾಹುಲ್‌ ದ್ರಾವಿಡ್‌ ಅವರಿಂದ ದಾಖಲಾಯಿತು (53). 40 ರನ್‌ ಕೂಡ ಮಾಡಿದ ಗಂಗೂಲಿ ಪಂದ್ಯಶ್ರೇಷ್ಠ ಗೌರವಕ್ಕೆ ಪಾತ್ರರಾದರು.