ವಿಶ್ವಕಪ್ ಸ್ಪೆಶಲ್: ಟಾಸ್ ಗೆದ್ದ ಭಾರತ ಬ್ಯಾಟಿಂಗ್

ಬರ್ಮಿಂಗ್ ಹ್ಯಾಂ: ಬಾಂಗ್ಲಾದೇಶದ ವಿರುದ್ಧದ ವಿಶ್ವಕಪ್ ಹಣಾಹಣಿಗೆ ವಿರಾಟ್ ಬಳಗ ಬರ್ಮಿಂಗ್ ಹ್ಯಾಂನ ಎಡ್ಜ್ ಬಾಸ್ಟನ್ ಅಂಗಳದಲ್ಲಿ ಸಿದ್ದವಾಗಿದೆ. ಟಾಸ್ ಗೆದ್ದ ಭಾರತ ಮೊದಲು ಬ್ಯಾಟಿಂಗ್ ಆಯ್ಕೆ ಮಾಡಿದೆ.

ಪಂದ್ಯಕ್ಕಾಗಿ ಭಾರತ ಎರಡು ಬದಲಾವಣೆ ಮಾಡಿಕೊಂಡಿದ್ದು, ಕೇದಾರ್ ಜಾಧವ್ ಮತ್ತು ಕುಲದೀಪ್ ಯಾದವ್ ಬದಲು ಭುವನೇಶ್ವರ್ ಕುಮಾರ್ ಮತ್ತು ದಿನೇಶ್ ಕಾರ್ತಿಕ್ ಕಣಕ್ಕಿಳಿದಿದ್ದಾರೆ.

ಬಾಂಗ್ಲಾದೇಶ ಕೂಡ ಎರಡು ಬದಲಾವಣೆಯೊಂದಿಗೆ ಆಡುತ್ತಿದ್ದು, ಶಬ್ಬೀರ್ ರೆಹಮಾನ್ ಮತ್ತು ರುಬೆಲ್ ಹುಸೇನ್ ಆಡುವ ಅವಕಾಶ ಪಡೆದಿದ್ದಾರೆ.

ಇಂಗ್ಲೆಂಡ್ ವಿರುದ್ಧ ಇದೇ ಮೈದಾನದಲ್ಲಿ ಸೋತ ಟೀಂ ಇಂಡಿಯಾ ಈ ಪಂದ್ಯ ಗೆದ್ದು ಸೆಮಿ ಪೈನಲ್ ಪ್ರವೇಶವನ್ನು ಖಾತ್ರಿಗೊಳಿಸುವ ಇರಾದೆ ಹೊಂದಿದೆ. ಅದೇ ರೀತಿ ಬಾಂಗ್ಲಾ ಕೂಡಾ ಈ ಪಂದ್ಯ ಗೆದ್ದು ತಮ್ಮ ಉಪಾಂತ್ಯ ಆಸೆಯನ್ನು ಜೀವಂತವಾಗಿರಿಸಲು ಹೋರಾಡಲಿದೆ.

ತಂಡಗಳು
ಭಾರತ: ವಿರಾಟ್ ಕೊಹ್ಲಿ(ನಾ), ರೋಹಿತ್ ಶರ್ಮಾ, ಕೆ.ಎಲ್.ರಾಹುಲ್, ರಿಷಭ್ ಪಂತ್, ಮಹೇಂದ್ರ ಸಿಂಗ್ ಧೋನಿ, ದಿನೇಶ್ ಕಾರ್ತಿಕ್, ಹಾರ್ದಿಕ್ ಪಾಂಡ್ಯಾ, ಭುವನೇಶ್ವರ್ ಕುಮಾರ್ , ಮೊಹಮ್ಮದ್ ಶಮಿ, ಯುಜುವೇಂದ್ರ ಚಾಹಲ್, ಜಸ್ಪ್ರೀತ್ ಬುಮ್ರಾ.

ಬಾಂಗ್ಲಾದೇಶ: ತಮೀಮ್ ಇಕ್ಬಾಲ್, ಸೌಮ್ಯಾ ಸರ್ಕಾರ್, ಮುಶ್ಫಿಕರ್ ರಹೀಂ, ಶಕೀಬ್ ಅಲ್ ಹಸನ್, ಲಿಟ್ಟನ್ ದಾಸ್, ಶಬ್ಬೀರ್ ರೆಹಮಾನ್ , ಮೊಸಾದೆಕ್ ಹುಸೇನ್, ಮೊಹಮ್ಮದ್ ಸೈಫುದ್ದೀನ್, ರುಬೆಲ್ ಹುಸೇನ್, ಮೊಶ್ರಫೆ ಮೊರ್ತಾಜಾ (ನಾ), ಮುಸ್ತಫಿಜುರ್ ರೆಹಮಾನ್.