Advertisement
ಅಡಿಲೇಡ್‌ನ‌ಲ್ಲಿ ದಿಢೀರನೇ ಕೋವಿಡ್-19 ಸೋಂಕು ಹೆಚ್ಚಿದ್ದು, ಇದು ಸರಣಿ ಆರಂಭದ ಡೇ-ನೈಟ್‌ ಟೆಸ್ಟ್‌ ಪಂದ್ಯದ ಆತಿಥ್ಯಕ್ಕೆ ಅಡ್ಡಿಯಾಗುವ ಸಾಧ್ಯತೆ ಇದೆ. ಆದರೆ “ಕ್ರಿಕೆಟ್‌ ಆಸ್ಟ್ರೇಲಿಯ’ (ಸಿಎ) ಮಾತ್ರ ಈ ಪಂದ್ಯ ವೇಳಾಪಟ್ಟಿಯಂತೆ ಅಡಿಲೇಡ್‌ನ‌ಲ್ಲೇ ನಡೆಯಲಿದೆ ಎಂದಿದೆ.
ಡೇ-ನೈಟ್‌ ಟೆಸ್ಟ್‌ ಪಂದ್ಯದ ಕುರಿತು ಮಂಗಳವಾರ ಹೇಳಿಕೆಯೊಂದನ್ನು ನೀಡಿದ ಕ್ರಿಕೆಟ್‌ ಆಸ್ಟ್ರೇಲಿಯ ಸಿಇಒ ನಿಕ್‌ ಹಾಕ್ಲೆ, “ನಾವು ಪರಿಸ್ಥಿತಿಯನ್ನು ಅವಲೋಕಿಸುತ್ತಿದ್ದೇವೆ. ಮುನ್ನೆಚ್ಚರಿಕೆಯ ಕ್ರಮವಾಗಿ ಕ್ರಿಕೆಟಿಗರನ್ನು ಸ್ಥಳಾಂತರಿಸಲಾಗಿದೆ. ಆದರೆ ಭಾರತ-ಆಸ್ಟ್ರೇಲಿಯ ನಡುವಿನ ಟೆಸ್ಟ್‌ ಪಂದ್ಯಕ್ಕೆ ಆತಂಕ ಎದುರಾಗದು. ಇದನ್ನು ಅಡಿಲೇಡ್ ಓವಲ್‌ನಲ್ಲೇ ನಡೆಸುವುದು ನಮ್ಮ ಯೋಜನೆ’ ಎಂದಿದ್ದಾರೆ. ಈ ಪಂದ್ಯದ ಆರಂಭಕ್ಕೆ ಇನ್ನೂ ಒಂದು ತಿಂಗಳಿದೆ.
ಹಾಗೆಯೇ ಭಾರತ-ಆಸ್ಟ್ರೇಲಿಯ ನಡುವಿನ ಬಾಕ್ಸಿಂಗ್‌ ಡೇ ಟೆಸ್ಟ್‌ ಪಂದ್ಯವನ್ನು ಸಂಪ್ರದಾಯದಂತೆ ಮೆಲ್ಬರ್ನ್ನಲ್ಲೇ ನಡೆಸುವುದು ಕ್ರಿಕೆಟ್‌ ಆಸ್ಟ್ರೇಲಿಯದ ಗುರಿಯಾಗಿದೆ.
ಇದು ಭಾರತ-ಆಸ್ಟ್ರೇಲಿಯ ನಡುವೆ ಸಾಗುವ ಮೊದಲ ಹಗಲು-ರಾತ್ರಿ ಟೆಸ್ಟ್‌ ಪಂದ್ಯವಾದ ಕಾರಣ ಕ್ರಿಕೆಟ್‌ ಅಭಿಮಾನಿಗಳು ಭಾರೀ ಕುತೂಹಲ ಇರಿಸಿಕೊಂಡಿದ್ದಾರೆ.