ಯುಕೆಗೆ ಭಾರತದಿಂದ 30 ಲಕ್ಷ ಪ್ಯಾರಾಸೆಟಮಾಲ್‌ ಪ್ಯಾಕೆಟ್‌

ನವದೆಹಲಿ: ಅಗತ್ಯವಿರುವ ದೇಶಗಳಿಗೆ ಪ್ಯಾರಾಸೆಟಮಾಲ್‌ ಮಾತ್ರೆಗಳನ್ನು ರಫ್ತು ಮಾಡಲು ಕೇಂದ್ರ ಸರಕಾರ ನಿರ್ಧರಿಸಿದ ಬೆನ್ನಲ್ಲೇ, ಭಾರತದಿಂದ ಯುನೈಟೆಡ್‌ ಕಿಂಗ್‌ಡಮ್ 30 ಲಕ್ಷ ಪ್ಯಾಕೆಟ್‌ ಪ್ಯಾರೆಸೆಟಮಾಲ್‌ ಮಾತ್ರೆಗಳನ್ನು ಖರೀದಿಸಿದೆ.

ಕೋವಿಡ್ ವೈರಸ್‌ ಆರಂಭಿಕ ಹಂತದಲ್ಲಿರುವವರಿಗೆ ಈ ಮಾತ್ರೆಗಳನ್ನು ಸೂಚಿಸಲಾಗುವ ಕಾರಣಕ್ಕೆ ಇದಕ್ಕೆ ಹೆಚ್ಚಿನ ಬೇಡಿಕೆ ಬಂದಿದೆ. ಭಾನುವಾರ ಪ್ಯಾರಾಸೆಟಮಾಲ್‌ ಪ್ಯಾಕ್‌ ಗಳನ್ನು ಹೊತ್ತ ವಿಮಾನವು ಯು.ಕೆ.ಯನ್ನು ತಲುಪಲಿವೆ.

ಇದೇ ವೇಳೆ, ಭಾನುವಾರದಿಂದ ಭಾರತದಲ್ಲಿರುವ ತನ್ನ ಪ್ರಜೆಗಳನ್ನು ಬೆಂಗಳೂರು, ಕೊಚ್ಚಿ ಮೂಲಕ ಕರೆಯಿಸಿಕೊಳ್ಳಲೂ ಇಂಗ್ಲಂಡ್ ಸಿದ್ಧತೆ ನಡೆಸಿದೆ.