ಏಪ್ರಿಲ್‌ನಿಂದ ಪೋಸ್ಟ್‌ ಬ್ಯಾಂಕ್‌ 

ಹೊಸದಿಲ್ಲಿ: ಭಾರತೀಯ ಅಂಚೆ ಇಲಾಖೆ ಏಪ್ರಿಲ್‌ನಿಂದ ಪೇಮೆಂಟ್ಸ್‌ ಬ್ಯಾಂಕ್‌ ಆರಂಭಿಸಲಿದೆ. ದೇಶಾದ್ಯಂತ ಈ ಸೇವೆ ಆರಂಭವಾಗಲಿದ್ದು, ಈ ದಿನಾಂಕ ನಿಗದಿಯಲ್ಲಿ ಯಾವುದೇ ವಿಳಂಬವಿಲ್ಲ ಎಂದು ಸರಕಾರ ಹೇಳಿದೆ. 1.55 ಲಕ್ಷ ಅಂಚೆ ಕಚೇರಿಗಳಲ್ಲಿ ಡಿಜಿಟಲ್‌ ಪಾವತಿ ಸ್ವೀಕಾರ ಮಾಡಲಾಗುತ್ತದೆ. 650 ಪೇಮೆಂಟ್‌ ಬ್ಯಾಂಕ್‌ ಶಾಖೆಗಳು ಈ ಅಂಚೆ ಕಚೇರಿಗಳಿಗೆ ನೆರವು ಒದಗಿಸಲಿವೆ. ಈಗಾಗಲೇ ಅಂಚೆ ಕಚೇರಿಯಲ್ಲಿರುವ 17 ಕೋಟಿ ಖಾತೆಗಳನ್ನು ಇನ್ನು ಸಾಮಾನ್ಯ ಬ್ಯಾಂಕ್‌ನಲ್ಲಿರುವ ವಿಧಾನಗಳಂತೆಯೇ ನಿರ್ವಹಿಸಬಹುದಾಗಿದೆ. ಅಲ್ಲದೆ ಇತರ ಬ್ಯಾಂಕ್‌ಗಳಿಗೂ ಅಂಚೆ ಕಚೇರಿಯಿಂದ ಹಣ ವರ್ಗಾವಣೆ ಮಾಡಬಹುದಾಗಿದೆ.