ಸ್ವರಕ್ಷಣೆಗೆ ಸೇನೆ ಬಳಸಲು ಹಿಂಜರಿಯಲ್ಲ

ಹೊಸದಿಲ್ಲಿ: ಭಾರತ ಎಂದೂ ಆಕ್ರಮಣಕಾರಿ ಮನೋಭಾವ ಪ್ರದರ್ಶಿಸಿಲ್ಲ. ಆದರೆ ಸ್ವರಕ್ಷಣೆಗಾಗಿ ಎಂದೂ ಸೇನೆಯನ್ನು ಬಳಸಲು ಹಿಂಜರಿಯುವುದಿಲ್ಲ ಎಂದು ರಕ್ಷಣಾ ಸಚಿವ ರಾಜನಾಥ್‌ ಸಿಂಗ್‌ ದಕ್ಷಿಣ ಕೊರಿಯಾದ ಸಿಯೋಲ್ನಲ್ಲಿ ಹೇಳಿದ್ದಾರೆ. ಸಿಂಗ್‌ ಮೂರು ದಿನಗಳ ಪ್ರವಾಸಕ್ಕಾಗಿ ಸಿಯೋಲ್ಗೆ ತೆರಳಿದ್ದು, ಸೇನಾ ಮುಖ್ಯಸ್ಥರನ್ನು ಭೇಟಿ ಮಾಡಿದ ವೇಳೆ ಈ ಹೇಳಿಕೆ ನೀಡಿದ್ದಾರೆ. ಕಾಶ್ಮೀರ ವಿಚಾರದಲ್ಲಿ ಭಾರತ ಮತ್ತು ಪಾಕಿಸ್ಥಾನದ ಮಧ್ಯದ ಸಂಘರ್ಷದ ವೇಳೆ ಸಿಂಗ್‌ ಹೇಳಿಕೆ ಮಹತ್ವ ಪಡೆದಿದೆ. ರಕ್ಷಣಾ ರಾಜತಾಂತ್ರಿಕತೆಯು ಭಾರತದ ಪ್ರಮುಖ ಆಧಾರ ಸ್ಥಂಭ. ರಕ್ಷಣಾ ರಾಜತಾಂತ್ರಿಕತೆ ಮತ್ತು ಬೃಹತ್‌ ರಕ್ಷಣಾ ಬಲವನ್ನು ನಿರ್ವಹಿಸುವುದು ಒಂದೇ ನಾಣ್ಯದ ಎರಡು ಮುಖಗಳಂತೆ. ಇವೆರಡೂ ಒಟ್ಟಿಗೆ ಸಾಗುತ್ತವೆ ಎಂದಿದ್ದಾರೆ.