ಹಾಕಿ: ಡ್ರಾ ಸಾಧಿಸಿದರೂ ಭಾರತಕ್ಕೆ ಫೈನಲ್‌ ಅವಕಾಶ

ಬ್ರೆಡಾ (ಹಾಲೆಂಡ್‌): ಚಾಂಪಿಯನ್ಸ್‌ ಟ್ರೋಫಿ ಹಾಕಿ ಪಂದ್ಯಾವಳಿಯಲ್ಲಿ ಭಾರತ ತನ್ನ ಅಂತಿಮ ಲೀಗ್‌ ಪಂದ್ಯವನ್ನು ಆತಿಥೇಯ ಹಾಲೆಂಡ್‌ ವಿರುದ್ಧ ಶನಿವಾರ ಆಡಲಿದೆ. ಈ ಪಂದ್ಯವನ್ನು ಡ್ರಾ ಮಾಡಿಕೊಂಡರೂ ಭಾರತ ಪ್ರಶಸ್ತಿ ಸುತ್ತು ಪ್ರವೇಶಿಸಲಿದೆ. 

ಸದ್ಯ ಭಾರತ 2 ಗೆಲುವು, ಒಂದು ಸೋಲು ಹಾಗೂ ಒಂದು ಡ್ರಾದೊಂದಿಗೆ ಅಂಕಪಟ್ಟಿಯಲ್ಲಿ 2ನೇ ಸ್ಥಾನದಲ್ಲಿದೆ (7 ಅಂಕ). ಒಟ್ಟು 10 ಅಂಕ ಸಂಪಾದಿಸಿರುವ ಆಸ್ಟ್ರೇಲಿಯ ಈಗಾಗಲೇ ಫೈನಲ್‌ ತಲುಪಿದೆ. ರೌಂಡ್‌ ರಾಬಿನ್‌ ಮಾದರಿಯ ಈ ಕೂಟದಲ್ಲಿ ಅತ್ಯಧಿಕ ಅಂಕ ಸಂಪಾದಿಸಿದ 2 ತಂಡ ಗಳು ಫೈನಲ್‌ನಲ್ಲಿ ಮುಖಾಮುಖೀಯಾಗಲಿವೆ.

ಹಾಲೆಂಡ್‌ ವಿರುದ್ಧ ಸೋತರೆ ಭಾರತ ಫೈನಲ್‌ ಅವಕಾಶವನ್ನು ಕಳೆದುಕೊಳ್ಳಲಿದೆ. ಆಗ ಹಾಲೆಂಡ್‌ ಫೈನಲ್‌ ಪ್ರವೇಶಿಸಲಿದೆ.  ಫೈನಲ್‌ ಪಂದ್ಯ ರವಿವಾರ ನಡೆಯಲಿದೆ.