ಸ್ಪೇನ್‌ಗೆ ಸೋತ ಭಾರತ

ಟೆರ್ರಾಸ್ಸ (ಸ್ಪೇನ್‌): ಆಕ್ರಮಣಕಾರಿ ಆಟದ ಹೊರತಾಗಿಯೂ ಆತಿಥೇಯ ಸ್ಪೇನ್‌ ಎದುರಿನ ಹಾಕಿ ಪಂದ್ಯದಲ್ಲಿ ಭಾರತ 1-2 ಅಂತರದ ಸೋಲನುಭವಿಸಿದೆ. ಸ್ಪೇನ್‌ ಹಾಕಿ ಫೆಡರೇಶನ್‌ ಶತಮಾನೋತ್ಸವ ಅಂಗವಾಗಿ ಈ ಸರಣಿ ನಡೆಯುತ್ತಿದೆ.

ಪೌಲ್‌ ಕ್ಯುನಿಲ್‌ 11ನೇ ನಿಮಿಷದಲ್ಲೇ ಗೋಲು ಬಾರಿಸಿ ಸ್ಪೇನ್‌ಗೆ ಮುನ್ನಡೆ ಒದಗಿಸಿದರು. ಜೋಕ್ವಿನ್‌ ಮೆನಿನಿ 33ನೇ ನಿಮಿಷದಲ್ಲಿ 2ನೇ ಗೋಲು ಹೊಡೆದರು. 2 ಗೋಲುಗಳ ಹಿನ್ನಡೆಯ ಬಳಿಕವೂ ಸ್ಪೇನ್‌ ಮೇಲೆ ಭಾರತ ಒತ್ತಡ ಹೇರುತ್ತ ಹೋಯಿತು. ಈ ಅವಧಿಯಲ್ಲಿ ಲಭಿಸಿದ ಪೆನಾಲ್ಟಿ ಕಾರ್ನರ್‌ ಅವಕಾಶವೊಂದನ್ನು ವ್ಯರ್ಥಗೊಳಿಸಿತು. ಕೊನೆಗೂ ಪಂದ್ಯದ ಮುಕ್ತಾಯಕ್ಕೆ ಒಂದು ನಿಮಿಷ ಉಳಿದಿರುವಾಗ ನಾಯಕ ಹರ್ಮನ್‌ಪ್ರೀತ್‌ ಸಿಂಗ್‌ ಗೋಲೊಂದನ್ನು ಬಾರಿಸಲು ಯಶಸ್ವಿಯಾದರು.
ಭಾರತದ ಮುಂದಿನ ಎದುರಾಳಿ ನೆದರ್ಲೆಂಡ್ಸ್‌.