ಹೊಸದಿಲ್ಲಿ: ದೇಶದಲ್ಲಿ ದೈನಂದಿನ ಕೋವಿಡ್ ಸೋಂಕು ಪ್ರಕರಣಗಳ ಸಂಖ್ಯೆಯಲ್ಲಿ ಇಳಿಕೆ ಕಾಣುತ್ತಿದೆ. ಕಳೆದ 24 ಗಂಟೆಗಳಲ್ಲಿ 30,093 ಹೊಸ ಕೋವಿಡ್ ಸೋಂಕು ಪ್ರಕರಣಗಳು ಪತ್ತೆಯಾಗಿದೆ. ಇದು ಕಳೆದ ನಾಲ್ಕು ತಿಂಗಳಲ್ಲೇ ಒಂದು ದಿನದಲ್ಲಿ ಪತ್ತೆಯಾದ ಅತೀ ಕಡಿಮೆ ಸೋಂಕು ಪ್ರಕರಣಗಳು ಇದಾಗಿದೆ.
ಈ 24 ಅವಧಿಯಲ್ಲಿ 45,254 ಮಂದಿ ಸೋಂಕಿತರು ಗುಣಮುಖರಾಗಿದ್ದಾರೆ. ಸದ್ಯ ದೇಶದಲ್ಲಿ 4,06,130 ಸಕ್ರಿಯ ಪ್ರಕರಣಗಳಿವೆ. ಈ ಅವಧಿಯಲ್ಲಿ 374 ಮಂದಿ ಸೋಂಕಿತರು ಸಾವನ್ನಪ್ಪಿದ್ದಾರೆ. ಮಾರ್ಚ್ 31ರ ಬಳಿಕ ಒಂದು ದಿನದಲ್ಲಿ ಸಾವನ್ನಪ್ಪಿದವರ ಅತೀ ಕಡಿಮೆ ಸಂಖ್ಯೆ ಇದಾಗಿದೆ.
ಇದನ್ನೂ ಓದಿ:ಮಣಿಪುರ್ ರಾಜ್ಯ ಕಾಂಗ್ರೆಸ್ ಅಧ್ಯಕ್ಷ ಸೇರಿ ಎಂಟು ಮಂದಿ ಶಾಸಕರು ಇಂದು ಬಿಜೆಪಿಗೆ ಜಂಪ್..!?
ದೇಶದಲ್ಲಿ ಇದುವರೆಗೆ 3,03,53,710 ಮಂದಿ ಗುಣಮುಖರಾಗಿದ್ದಾರೆ. ಇದರಿಂದ ದೇಶದ ರಿಕವರಿ ರೇಟ್ 97.37ಕ್ಕೆ ಏರಿಕೆಯಾಗಿದೆ.
ದೇಶದಲ್ಲಿ ಕಳೆದ 24 ಗಂಟೆಯಲ್ಲಿ 52,67,309 ಡೋಸ್ ಕೋವಿಡ್ ಲಸಿಕೆ ನೀಡಲಾಗಿದೆ. ಇದುವರೆಗೆ ದೇಶದಲ್ಲಿ ಒಟ್ಟು 41,18,46,401 ಡೋಸ್ ಲಸಿಕೆ ನೀಡಲಾಗಿದೆ.
