ಫಿಫಾ: 105ರ‌ಲ್ಲೇ ಉಳಿದ ಭಾರತ

ಹೊಸದಿಲ್ಲಿ: ನೂತನ ಫಿಫಾ ವಿಶ್ವ ರ್‍ಯಾಂಕಿಂಗ್‌ ಪ್ರಕಟಗೊಂಡಿದ್ದು, ಭಾರತದ ಪುರುಷರ ತಂಡ 105ನೇ ಸ್ಥಾನದಲ್ಲೇ ಮುಂದುವರಿದಿದೆ. ಆದರೆ ಭಾರತದ ವನಿತೆಯರು 4 ಸ್ಥಾನ ಕೆಳಕ್ಕೆ ಜಾರಿ 57ಕ್ಕೆ ಬಂದಿದ್ದಾರೆ.

ರ್‍ಯಾಂಕಿಂಗ್‌ ಪರಿಷ್ಕರಣೆಯ ಅವಧಿಯಲ್ಲಿ ಕೇವಲ ಒಂದು ಪಂದ್ಯವನ್ನಷ್ಟೇ ಆಡಲಾಗಿತ್ತು. ಇದು ಉಕ್ರೇನ್‌-ಬಹ್ರೈನ್‌ ನಡುವಿನ ಸೌಹಾರ್ದ ಪಂದ್ಯವಾಗಿದ್ದು, 1-1ರಿಂದ ಡ್ರಾಗೊಂಡಿತ್ತು. ಹೀಗಾಗಿ ಅಗ್ರ 50 ರ್‍ಯಾಂಕಿಂಗ್‌ ಸ್ಥಾನದಲ್ಲಿ ಯಾವುದೇ ವ್ಯತ್ಯಾಸವಾಗಿಲ್ಲ. ಬೆಲ್ಜಿಯಂ ನಂ.1 ಸ್ಥಾನದಲ್ಲಿ ವಿರಾಜಮಾನವಾಗಿದೆ. ಫ್ರಾನ್ಸ್‌, ಬ್ರಝಿಲ್‌, ಇಂಗ್ಲೆಂಡ್‌, ಪೋರ್ಚುಗಲ್‌ 2ರಿಂದ 5ನೇ ಸ್ಥಾನಿಯಾಗಿವೆ.

ಅಮೆರಿಕ ನಂ.1: ವನಿತಾ ವಿಭಾಗದಲ್ಲಿ ಅಮೆರಿಕ ನಂ.1 ತಂಡವಾಗಿ ಉಳಿದಿದೆ. ಜರ್ಮನಿ, ನೆದರ್ಲೆಂಡ್ಸ್‌, ಫ್ರಾನ್ಸ್‌ ಮತ್ತು ಸ್ವೀಡನ್‌ ಅನಂತರದ ಸ್ಥಾನದಲ್ಲಿವೆ.