ಪಶುಪತಿ ದೇಗುಲಕ್ಕೆ ಇ-ಆಟೋ ನೀಡಿದ ಭಾರತ

ಕಾಠ್ಮಂಡು: ನೇಪಾಲದ ಪ್ರಸಿದ್ಧ ಪಶುಪತಿನಾಥ ದೇವಾಲಯಕ್ಕೆ ಬುಧವಾರ ಭಾರತ 2 ಪರಿಸರಸ್ನೇಹಿ ವಿದ್ಯುತ್‌ಚಾಲಿತ ಆಟೋರಿಕ್ಷಾಗಳನ್ನು ನೀಡಿದೆ. ವಯೋವೃದ್ಧ ಮತ್ತು ದಿವ್ಯಾಂಗಿ ಯಾತ್ರಿಕರಿಗೆ ಅನುಕೂಲ ಮಾಡಿಕೊಡುವ ನಿಟ್ಟಿನಲ್ಲಿ ಈ ವಾಹನಗಳನ್ನು ನೀಡಲಾಗಿದೆ ಎನ್ನಲಾಗಿದೆ.

ಭಾರತೀಯ ಮಹಿಳಾ ಆಯೋಗದ ಅಧ್ಯಕ್ಷೆ ನಮ್ರತಾ ಪುರಿ ಈ ವಾಹನಗಳನ್ನು ದೇವಸ್ಥಾನ ಆಡಳಿತ ಮಂಡಳಿಗೆ ಹಸ್ತಾಂತರಿಸಿದರು. ಈ ವೇಳೆ ನೇಪಾಲದಲ್ಲಿರುವ ಭಾರತೀಯ ರಾಯಭಾರಿ ಮಂಜೀವ್‌ ಸಿಂಗ್‌ ಪುರಿ ಉಪಸ್ಥಿತರಿದ್ದರು.