ಅಗ್ನಿ 1 ಅಣ್ವಸ್ತ್ರ ಕ್ಷಿಪಣಿಯ ರಾತ್ರಿ ಉಡಾವಣೆ ಪ್ರಯೋಗ ಯಶಸ್ವಿ

ಹೊಸದಿಲ್ಲಿ : ಭಾರತ ನಿನ್ನೆ ಮಂಗಳವಾರ ರಾತ್ರಿ 700 ಕಿ.ಮೀ. ದಾಳಿ ವ್ಯಾಪ್ತಿಯ ಅಗ್ನಿ 1 ಬ್ಯಾಲಿಸ್ಟಿಕ್‌ ಮಿಸೈಲ್‌ ನ ರಾತ್ರಿ ವೇಳೆಯ ಉಡಾವಣೆಯನ್ನು ಒಡಿವಾ ಕರಾವಳಿಯ ದೂರ ಸಮುದ್ರದಲ್ಲಿ  ಯಶಸ್ವಿಯಾಗಿ ಕೈಗೊಂಡಿತೆಂದು ರಕ್ಷಣಾ ಮೂಲಗಳು ತಿಳಿಸಿವೆ.

ಭಾರತೀಯ ಸೇನೆಯ ಸಮರ ಸನ್ನದ್ಧತೆಯನ್ನು ಸದೃಢಗೊಳಿಸುವ ದಿಶೆಯಲ್ಲಿ ನೆಲದಿಂದ ನೆಲಕ್ಕೆ ಪ್ರಯೋಗಿಸಬಹುದಾದ ಅಗ್ನಿ 1 ಅಣ್ವಸ್ತ್ರ ಸಜ್ಜಿತ ಕ್ಷಿಪಣಿಯ ರಾತ್ರಿ ವೇಳೆಯ ಪರೀಕ್ಷಾ ಉಡಾವಣೆಯನ್ನು ನಿನ್ನೆ ಮಂಗಳವಾರ ರಾತ್ರಿ ಡಾ. ಅಬ್ದುಲ್‌ ಕಲಾಮ್‌ ದ್ವೀಪದಿಂದ ದೇಶದ ಸ್ಟ್ರಾಟೆಜಿಕ್‌ ಫೋರ್ಸಸ್‌ ಕಮಾಂಡ್‌ (ಎಸ್‌ಎಫ್ಸಿ) ಯಶಸ್ವಿಯಾಗಿ ಕೈಗೊಂಡಿತೆಂದು ಮೂಲಗಳು ತಿಳಿಸಿವೆ.