ನೂರ ‌ಅಹ್ಮದ್‌ಗೆ ಇಂಡಿಯಾ ಬುಕ್‌ ಆಫ್‌ ರೆಕಾರ್ಡ್ಸ್‌ ಗರಿ

ಧಾರವಾಡ: ಜಿಲ್ಲಾಸ್ಪತ್ರೆಯ “ಡಿ’ ವರ್ಗದ ನೌಕರ ನೂರಅಹ್ಮದ್‌ ಬೆಳಗಾಮ ಅವರು ಆ. 5ರಂದು 10 ಗಂಟೆ 30 ನಿಮಿಷಗಳ ಅವಧಿಯಲ್ಲಿ 65.6 ಕಿಲೋಮೀಟರ್‌ ನಿರಂತರ ನಡಿಗೆಯ ಸಾಧನೆ ಇಂಡಿಯಾ ಬುಕ್‌ ಆಫ್‌ ರೆಕಾರ್ಡ್ಸ್‌ನಲ್ಲಿ ದಾಖಲಾಗಿದೆ.

ಈ ಹಿನ್ನೆಲೆಯಲ್ಲಿ ಅ. 10ರಂದು ಜಿಲ್ಲಾಸ್ಪತ್ರೆಯಲ್ಲಿ ಸ್ಟೇಟ್‌ ಬ್ಯಾಂಕ್‌ ಆಫ್‌ ಇಂಡಿಯಾದ ಬೆಂಗಳೂರು ಕೇಂದ್ರ ಕಚೇರಿ ಅಧಿಕಾರಿ ಎಂ.ಕೆ. ಕೃಷ್ಣಾ ಅವರು ಇಂಡಿಯಾ ಬುಕ್‌ ಆಫ್‌ ರೆಕಾರ್ಡ್ಸ್‌ ಪರವಾಗಿ ಪ್ರಶಂಸನಾ ಪ್ರಮಾಣಪತ್ರ ನೀಡಿದರು. ಜಿಲ್ಲಾ ಶಸ್ತ್ರಚಿಕಿತ್ಸಕ ಡಾ| ಶಿವಕುಮಾರ ಮಾನಕರ, ಡಾ| ವಿಜಯ ವಿಠಲ ಮನಗೂಳಿ ಸೇರಿದಂತೆ ಜಿಲ್ಲಾಸ್ಪತ್ರೆ ಅಧಿಕಾರಿಗಳು, ಸಿಬ್ಬಂದಿ ಇದ್ದರು