Advertisement
2014ರ ನ. 25ರಂದು ಸೌತ್ ಆಸ್ಟ್ರೇಲಿಯ ಪರ ಶೆಫೀಲ್ಡ್ ಶೀಲ್ಡ್ ಪಂದ್ಯ ಆಡುತ್ತಿದ್ದಾಗ ನ್ಯೂ ಸೌತ್ ವೇಲ್ಸ್ನ ಸೀನ್ ಅಬೋಟ್ ಅವರ ಬೌನ್ಸರ್ ಎಸೆತವೊಂದು ಹ್ಯೂಸ್ ಅವರ ತಲೆಗೆ ಬಡಿದು ಈ ದುರಂತ ಸಂಭವಿಸಿತ್ತು. ಕೋಮಾಕ್ಕೆ ಜಾರಿದ ಅವರು ಎರಡು ದಿನಗಳ ಜೀವನ್ಮರಣದ ಹೋರಾಟದ ಬಳಿಕ ಸಿಡ್ನಿಯ ಡಾರ್ಲಿಂಗ್ಹರ್ಸ್ಡ್ನ ಸೇಂಟ್ ವಿನ್ಸೆಂಟ್ಸ್ ಕ್ಲಿನಿಕ್ನಲ್ಲಿ ಸಾವನ್ನಪ್ಪಿದ್ದರು. ಕ್ರಿಕೆಟ್ ಜಗತ್ತು ಈ ಆಘಾತದಿಂದ ತತ್ತರಿಸಿತ್ತು.
ಅಂತಿಮ ಇನ್ನಿಂಗ್ಸ್ ವೇಳೆ ಫಿಲಿಪ್ ಹ್ಯೂಸ್ 63 ರನ್ ಮಾಡಿ ಆಡುತ್ತಿದ್ದಾಗ ಈ ದುರ್ಘಟನೆ ಸಂಭವಿಸಿತ್ತು. ಇದಕ್ಕಾಗಿ ಮೊದಲ ಏಕದಿನ ಪಂದ್ಯದ ಆರಂಭಕ್ಕೂ ಮುನ್ನ 63 ಸೆಕೆಂಡ್ಗಳ ಕಾಲ ಚಪ್ಪಾಳೆ ತಟ್ಟಿ ಗೌರವಿಸಲು ನಿರ್ಧರಿಸಲಾಗಿದೆ. ಬಳಿಕ ಆಸೀಸ್ ಕ್ರಿಕೆಟಿಗರು ಕಪ್ಪುಪಟ್ಟಿ ಧರಿಸಿ ಆಡಲಿಳಿಯಲಿದ್ದಾರೆ. ಕಾಕತಾಳೀಯವೆಂದರೆ, 2014ರ ಈ ದುರ್ಘಟನೆ ನಡೆದ್ದು ಕೂಡ ಸಿಡ್ನಿ ಅಂಗಳದಲ್ಲೇ. ಆಗಲೂ ಭಾರತ ತಂಡ ಆಸ್ಟ್ರೇಲಿಯ ಪ್ರವಾಸದಲ್ಲಿತ್ತು. ಅಂದಿನ ಬೌಲರ್ ಸೀನ್ ಅಬೋಟ್ ಈಗಿನ ಆಸೀಸ್ ತಂಡದ ಸದಸ್ಯನೂ ಆಗಿದ್ದಾರೆ!